نئی دہلی: بھارتی صحافی وکرانت گپتا نے کہا ہے کہ پاکستانی عوام کی محبت اور عزت کبھی بھلا نہیں سکوں گا۔
پاکستان میں کھیلے گئے چیمپئنز ٹرافی کی کوریج کے لیے آنے والے بھارتی صحافی نے وکرانت گپتا نے اپنے ایک انٹرویو میں کہا کہ کھیل سرحدوں سے بالاتر ہوتے ہیں۔ اور لوگوں کے دلوں کو جوڑنے کا سب سے خوبصورت ذریعہ ہیں۔
انہوں نے کہا کہ میں امید کرتا ہوں کہ مستقبل میں پاکستان اور بھارت کے درمیان کھیلوں کے ذریعے تعلقات بہتر ہوں گے۔ اور ایسے دورے دونوں ممالک کے عوام کو قریب لانے میں اہم کردار ادا کریں گے۔
یہ بھی پڑھیں: دورہ نیوزی لینڈ کیلئے ٹی ٹوئنٹی اور ون ڈے اسکواڈز کا اعلان، کپتانوں کا فیصلہ بھی ہو گیا
بھارتی ٹیم کے پاکستان نہ آنے پر گفتگو کرتے ہوئے وکرانت گپتا نے کہا کہ یہ فیصلہ حکومتوں کا تھا لیکن اگر عوام اور صحافی ایک دوسرے کے ملک آ سکتے ہیں تو پھر کھلاڑیوں کو بھی موقع ملنا چاہیے۔
انہوں نے کہا کہ سب سے حیران کن بات یہ تھی کہ پاکستانی عوام بھارتی کرکٹر خاص طور پر ویرات کوہلی سے بےحد محبت کرتے ہیں۔ میں نے لاہور کی گلیوں، سڑکوں اور میدانوں میں نوجوانوں کو ویرات کوہلی کی نمبر 18 جرسی پہنے دیکھا۔ جو سے یہ ظاہر ہوتا ہے کہ کرکٹ کسی بھی سرحد یا سیاسی کشیدگی سے بالاتر ہے۔