وادی تیراہ میں دہشت گردوں کا چھٹی پر آئے ہوئے پاک آرمی کے جوان کو زندہ پکڑنے کے لیے ان کے گھر پر چھاپہ، قوم نے بہادری کا مظاہرہ کرتے ہوئے سخت مزاحمت کیا اور جوان کو ان کے تحویل میں دینے سے انکار کرتے ہوئے دہشت گردوں کو بھاگنے پر مجبور کردیا۔
واقعات کے مطابق وادی تیراہ کے علاقہ برقمبرخیل ولی خیل میں کل شام کو دہشت گردوں نے پاک آرمی کے جوان جو کہ ڈیوٹی سے چھٹی پر وادی تیراہ اپنے گھر اٙئے تھے دہشت گرد ان کے گھر چھاپہ زن ہوئے اور انہیں زبردستی اٹھا کر ساتھ لے جانے کی کوشش کررہے تھے تاہم اسی اثناء میں دہشت گرد زبردستی گھر کے اندر گھس کر خواتین پر فائرنگ بھی کردی۔ فائرنگ سے کوئی جانی نقصان نہیں ہوا۔
ادھر قوم کے مساجد میں اعلانات شروع ہوئے اور مقامی قبائل نے سخت مزاحمت اختیار کرتے ہوئے بہادری کا مظاہرہ کیا اور پاک آرمی کے جوان نورسلیم ولد خلوت کی حوالگی سے انکار کرتے ہوئے دہشت گردوں کو بھاگنے پر مجبور کردیا۔
زرائع کے مطابق مسلح دہشت گرد پاک آرمی کے جوان کو زبردستی اٹھا کر نامعلوم مقام منتقل کرنا چاہتے تھے تاہم مساجد میں اعلانات کے باعث سینکڑوں عوام گھروں سے نکل گئے اور جوان کو دہشت گردوں کی تحویل میں دینے سے سختی سے انکار کرتے ہوئے محفوظ مقام منتقل کردیا۔ پاک آرمی جوان نور سلیم کی ڈیوٹی 7بلوچ یونٹ میں ہے اور اس وقت بلوچستان کے ضلع آوران میں فرائضی منصبی سرانجام دے رہا ہے۔