وزیراعظم شہباز شریف نے کہا ہے کہ وہ دعا مانگتے ہیں کہ یہ آئی ایم ایف کا آخری پروگرام ہو۔جمعرات کو پرائم منسٹر یوتھ ہب پروگرام کی تقریب سے خطاب کرتے ہوئے ان کا مزید کہنا تھا کہ قومیں آئی ایم ایف کے پروگرام سے ترقی نہیں کرتیں بلکہ اس سے اپنی معیشت کو مضبوط کرتی ہیں، اور ملک میں استحکام آ چکا ہے۔وزیراعظم نے اپنے دور وزارت اعلیٰ کا حوالہ دیتے ہوئے کہا کہ جس زمانے میں دور دور تک اے آئی کا نام و نشان موجود نہیں تھا اس وقت بھی ہم طلبہ کو لیپ ٹاپس اور جدید گیجٹس دیے۔
ان کے مطابق ’2011 سے لے کر 2018 تک صرف میرٹ کی بنیاد پر ہونہار نوجوانوں میں چار لاکھ لیپ ٹاپس تقسیم کیے۔‘
ان کا کہنا تھا کہ جہاں پاکستان کی یوتھ ملک کے لیے ایک چیلنج ہے وہیں ایک سنہرا موقع بھی ہے، اگر ان کو ماڈرن ٹیکنالوجی کی ٹریننگ دی جائے تو یہ ملک کا عظیم سرمایہ بن جائیں گے۔ان کے مطابق ’اگر ان کو بہترین ٹریننگ دی جائے تو پاکستان دنیا کا سب سے زیادہ ترقی یافتہ ملک بن جائے گا۔‘بلوچستان میں مسافروں پر فائرنگ کے واقعے کی مذمتوزیراعظم شہباز نے بلوچستان کے علاقے کلمت میں چھ مسافروں کے قتل کی شدید الفاظ میں مذمت کی اور واقعے پر رنج کا اظہار کیا۔انہوں نے واقعے میں زخمی ہونے والوں کو بہترین طبی سہولتیں فراہم کی ہدایات بھی جاری کیں۔جمعرات کو وزیراعظم آفس سے جاری بیان میں بتایا گیا ہے شرپسند عناصر معصوم لوگوں کے خلاف بزدلانہ کارروائیاں ان کی حیوانیت کی واضح عکاسی کرتی ہیں، ان کے ملک دشمن عزائم کو کبھی کامیاب نہیں ہونے دیں۔