بالی ووڈ کے معروف اداکار عامر خان نے اپنی 60 ویں سالگرہ کے موقع پر یوٹیوب پر نیا چینل ’عامر خان ٹاکیز‘ لانچ کر دیا۔
اس چینل کا مقصد فلم سازی کے رازوں کو مداحوں کے سامنے لانا ہے۔ عامر خان کا کہنا ہے کہ وہ ہمیشہ چاہتے تھے کہ اپنے فلمی تجربات اور راز اپنے مداحوں کے ساتھ شیئر کریں۔
چینل پر وہ فلموں کی تخلیق کے پیچھے کی کہانیاں، تکنیکیں، اور وہ تمام چیزیں شیئر کریں گے جو آج تک پردے کے پیچھے تھیں۔ سوشل میڈیا پر مداحوں نے اس اعلان پر خوشی کا اظہار کیا اور کہا کہ ’’اب ہمیں عامر خان کی سوچ تک رسائی ملے گی‘‘۔