لاہور: وزیر اعلیٰ پنجاب مریم نواز نے کہا ہے کہ دُعا ہے کہ عید الفطر کا چاند ہر گھر میں امن، سکون اور خوشیاں لائے۔
وزیر اعلیٰ پنجاب مریم نواز نے شوال المکرم کا چاند نظر آنے پر مبارکباد دیتے ہوئے کہا کہ امت مسلمہ کو شوال کا چاند مبارک ہو۔
انہوں نے کہا کہ دعا ہے کہ اللہ تعالی ہم پر شوال کا یہ چاند امن، ایمان، سلامتی اور اسلام کے ساتھ طلوع فرمائے۔ اور دل سے دعا ہے کہ اللہ تعالی ماہ رمضان کی روزے، نمازیں، نوافل اور عبادات قبول فرمائے۔
یہ بھی پڑھیں: سندھ میں کچھ عناصر ذاتی و سیاسی فائدے کیلئے پراپیگنڈا کر رہے ہیں، رانا ثنا اللہ
مریم نواز نے کہا کہ دعا کرتی ہوں کہ عید الفطرکا چاند ہر گھر میں امن سکون اور خوشیاں لائے۔ اور دعا ہے کہ شوال المکرم میں ہر دن اور ہر رات امن وسلامتی کی ہو۔
انہوں نے کہا کہ دعا ہے کہ اللہ تعالی مظلوم فلسطینیوں اور کشمیریوں کو بھی آزادی کی عید نصیب فرمائے۔