ملک میں سونے کی قیمت میں ایک بار پھر اضافہ دیکھنے میں آیا ہے۔ سونے کے نرخ آج اچانک 8100 روپے بڑھ گئے، جس کے بعد فی تولہ قیمت 3 لاکھ 54 ہزار 800 روپے پر جا پہنچی ہے۔
آل پاکستان جیمز اینڈ جیولرز ایسوسی ایشن کے مطابق، دس گرام سونے کی قیمت میں 6944 روپے کا اضافہ ریکارڈ کیا گیا جس کے بعد ١٠ گرام سونا 3 لاکھ 6 ہزار 755 روپے کا ہوگیا ہے۔
عالمی سطح پر بھی سونے کی قدر میں واضح اضافہ دیکھنے میں آیا۔ بین الاقوامی مارکیٹ میں سونے کی فی اونس قیمت 69 ڈالر بڑھ کر 3395 ڈالر ہو گئی ہے۔
سونے کی بڑھتی ہوئی قیمتیں خریداروں کے لئے تو پریشان کن ہیں ہی مگر ماہرین کے مطابق عالمی اقتصادی صورتحال اور سرمایہ کاری کے رجحانات اس اضافے کی بڑی وجہ بن رہے ہیں۔