بھارت کی سائبر دہشتگردی پرپاکستانی ہیکرز نے جوابی وار کرتے ہوئے آپریشن سالار کا آغاز کر دیا اور 4 بڑی بھارتی ویب سائٹس ہیک کر لیں۔
زرائع کے مطابق پاکستانی ہیکرز کے والنٹیئر گروپ نے ’آپریشن سالار‘ کے نام سے سائبر مہم کا اعلان کر دیا، مہم کے تحت بھارتی آن لائن انفرااسٹرکچر کو نشانہ بنایا جا رہا ہے۔
دہشت گرد بھارت کی 4 اہم ویب سائٹس ہیک کرکے ڈیٹا حاصل کرلیا۔ واضح رہے کہ وزارت اقتصادی امور کا ’ایکس‘ اکاؤنٹ رات گئے ہیک ہو گیا تھا۔ دو روز قبل نیشنل سائبر ایمرجنسی رسپانس ٹیم نے بھارتی جارحیت کے بعد ملک میں سائبر حملوں کے پیش نظر اہم ایڈوائزری جاری کی تھی۔
ترجمان وزارت اقتصادی امور نے ’ایکس‘ اکاؤنٹ ہیک ہونے کی تصدیق کرتے ہوئے کہا تھا کہ اس دوران ’ایکس‘ پر کی جانے والی کسی پوسٹ کا وزارت سے کوئی تعلق نہیں ہے۔
نیشنل سائبر ایمرجنسی رسپانس ٹیم کی جانب سے جاری ایڈوائزری میں کہا گیا تھا سائبر حملوں کا مقصد پاکستان کے اہم نیٹ ورکس کو متاثر کرنا ہے، دشمن عناصر موجودہ حالات کا فائدہ اٹھاتے ہوئے سائبر حملوں میں غلط معلومات پھیلا رہے ہیں۔