ایچ بی ایل پی ایس ایل 10 میں آج (اتوار) کو راولپنڈی کرکٹ اسٹیڈیم میں ڈبل ہیڈر کا میدان سجے گا۔
پہلے میچ میں ملتان سلطانزکا مقابلہ کوئٹہ گلیڈی ایٹرز سے ہوگا جبکہ دوسرے میچ میں پشاورزلمی اور لاہور قلندرز مدِمقابل آئیں گے، پہلا میچ پاکستانی وقت کے مطابق 3.30 جبکہ دوسرا 8 بجے ہوگا۔
کل 19 مئی کو لیگ مرحلے کا آخری میچ اسلام آباد یونائیٹڈ اورکراچی کنگز کے درمیان کھیلا جائے گا، ٹورنامنٹ کے آخری اور فیصلہ کن مرحلے کے چار میچز، جن میں کوالیفائر، دو ایلیمینیٹر اور فائنل شامل ہیں۔
پاکستان سپر لیگ کے میچ 21 تا 25 مئی کو قذافی اسٹیڈیم لاہورمیں شیڈول ہیں، شائقین فیصلہ کن مقابلوں کا بے چینی سے انتظار کررہے ہیں۔