کرکٹ میں اسکوررز کو اس کھیل کا ایک اہم ستون سمجھا جاتا ہے اور اتوار کو پاکستان میں 20 اسکوررز کو ایک بڑی خوشخبری ملی ہے۔ پاکستان کرکٹ بورڈ نے پاکستان بھر سے 20 اسکوررز کو ان کی کارکردگی کی بنیاد پر کنٹریکٹ دینے کا اعلان کردیا ہے۔
پی سی بی کے مطابق 20 اسکوررز کو 11 ماہ کا کنٹریکٹ دیا گیا ہے جس میں ان کو کھلاڑیوں کی طرح ہر مہینے تنخواہ دی جائے گی، اس کے علاوہ اسکالرز کو میچ فیس بھی جاری رہے گی۔
پاکستان میں کرکٹ اسکوررز کا ہمیشہ سے یہی مطالبہ رہا ہے کہ ان کو بھی پاکستان کرکٹ بورڈ اسی طرح پیسے دے اور ان کی فلاح اور بہبود کا خیال رکھیں جیسے کہ وہ کھلاڑیوں کا اور ایمپائر کا خیال رکھتے ہیں اور پیسے دیتے ہیں۔
پاکستان بورڈ کی طرف پہلی دفعہ ایسا اقدام کیا گیا ہے، اس کورس کے لیے 20 اسکوررز کا تعلق مختلف شہروں سے ہے جس میں کراچی، لاہور، راولپنڈی سرگودھا، فیصل آباد، کوئٹہ، ڈیرہ مراد جمالی اور پشاور شامل ہے۔