ایشیا کپ ٹی ٹوئنٹی 2025 کے فائنل میں بھارت نے سنسنی خیز مقابلے کے بعد پاکستان کو 5 وکٹوں سے شکست دے کر ایک مرتبہ پھر ٹائٹل اپنے نام کرلیا۔ یہ بھارت کا نوواں ایشیا کپ ہے جبکہ اس بار ٹورنامنٹ کی تاریخ میں پہلی مرتبہ پاک بھارت فائنل دبئی کے میدان میں کھیلا گیا۔
میچ میں بھارتی کپتان نے ٹاس جیت کر پہلے گیند بازی کا فیصلہ کیا اور پاکستانی ٹیم 19.1 اوورز میں صرف 146 رنز بنا کر ڈھیر ہوگئی۔ جواب میں بھارتی ٹیم نے ہدف کے تعاقب میں محتاط انداز اپنایا اور آخری اوور میں 5 وکٹوں کے نقصان پر مطلوبہ اسکور حاصل کر کے کامیابی حاصل کی۔
پاکستانی بیٹرز کی جانب سے چند اچھی اننگز سامنے آئیں لیکن مجموعی طور پر ٹیم بڑی شراکت قائم نہ کرسکی۔ دوسری طرف بھارتی بلے بازوں نے دباؤ کے باوجود ہدف کا کامیاب تعاقب کرتے ہوئے فیصلہ کن لمحات میں میچ اپنے حق میں کرلیا۔
یوں دبئی میں کھیلا جانے والا یہ تاریخی فائنل بھارت کی جیت پر اختتام پذیر ہوا اور بھارت نے نویں بار ایشیا کپ کا تاج سر پر سجا لیا۔