چیئرمین پاکستان کرکٹ بورڈ محسن نقوی نے اعلان کیا ہے آئندہ ہونے والے پاکستان سپر لیگ ٹیموں کے لیے انعامات میں خاطر خواہ اضافہ کردیا گیا ہے۔
لاہور میں صحافیوں سے بات کرتے ہوئے محسن نقوی نے کہا کہ اب پی ایس ایل کی جیتنے والی ٹیم کو پانچ لاکھ ڈالر اور دوسرے نمبر پر آنے والی ٹیم کو 3 لاکھ ڈالر دیے جائیں گے جبکہ جو فرنچائز کرکٹ کی ترقی کے لیے کام کرے گی اس کو دو لاکھ ڈالر انعام دیا جائے گا۔
انہوں نے کہا کہ ان کا مقصد صرف اور صرف پاکستان کرکٹ کو ترقی کرتے ہوئے دیکھنا ہے اور پی ایس ایل پاکستان کرکٹ کا ایک بہت بڑا برانڈ ہے جس کے ذریعے کرکٹ میں بہتری آسکتی ہے۔
محسن نقوی نے امید ظاہر کی کہ انعامی رقم بڑھنے سے فرنچائزز اور کھلاڑیوں کی حوصلہ افزائی ہوگی۔ ہم چاہتے ہیں کہ پی ایس ایل کی فرنچائزز بھی ترقی کرے اور اس کے لیے ہم ہر ممکن کوشش کر رہے ہیں۔
یاد رہے کہ اس سال ہونے والی پی ایس ایل میں چیمپین ٹیم کو پانچ لاکھ ڈالر اور دوسرے نمبر پر آنے والی ٹیم کو دو لاکھ ڈالر دیے گئے تھے اور اس سے پہلے فرنچائز کے لیے کوئی انعامی رقم نہیں رکھی گئی تھی۔