پہلے بکرے کے گوشت کی چھوٹی بوٹیاں کاٹ لیں ۔پھر ایک کڑاہی میں گوشت ،چنے کی دال ، دار چینی ،بڑی الائچی ، چھوٹی الائچی ، ادرک ،لہسن ، بادام ،پستے ، سوکھی لال مرچ ،ہلکا سا نمک اور پانی شامل کردیں ۔اور20سے25نٹ تک ڈھک کر پکائیں ۔اس کے بعد ڈھکن ہٹا کر آنچ تیز کر کے پانی اچھی طرح خشک کریں ۔اور پلیٹ میں نکال کر تھوڑا سا ٹھنڈا کرلیں ۔پھر گوشت کو دال کے ساتھ چوپر میں ڈال کر اچھی طرح سے پیس لیں ۔پھر اس میں پیاز ، ہرا دھنیا ، پودینہ ،ہری مرچ شامل کر کے ایک منٹ کے لئے دوبارہ پیس لیں ۔تا کہ سب چیزیں اچھی طرح سے مکس ہوجائیں ۔پھر اسے ایک پیالے میں نکالیں ۔اب اس میں ثابت زیرہ ، گرم مصالحہ ، ہلدی ، بیسن ، لیموں کا رس اور ہلکا سا نمک شامل کر کے اچھی طرح سے مکس کریں ۔پھر اس کے گول گول کباب بنائیں ۔اس کے بعد انڈوں کو الگ پیالی میں اچھی طرح پھینٹ لیں ۔اور باقی بچا ہوا بیسن اس میں شامل کر کے مزید پھینٹ لیں ۔آخر میں ان کبابوں کو ان پھینٹے ہوئے بیٹر میں ڈِپ کریں اور پین میں گرم تیل میں شیلو فرائی کرلیں ۔مزیدار شاہی کباب تیار ہیں ۔