بعض مناظر کو کیمرے کی آنکھ سے دیکھنا ہمیشہ سے ہی ایک
منفرد تجربہ رہا ہے کیونکہ اکثر انسانی آنکھ ان مناظر میں چھپے ان دلچسپ
پہلوؤں کو دیکھنے سے قاصر رہتی ہے جنہیں ایک شاندار تصویر اجاگر کر دیتی ہے-
نیشنل جیو گرافک کی جانب سے ہر سال کی مانند اس سال بھی ٹریول فوٹوگرافر آف
دی ائیر کے مقابلے کا انعقاد کیا گیا- اس مقابلے میں شرکت کے لیے تین مختلف
کیٹیگریز کے لیے تصاویر ارسال کی گئیں- ان کیٹیگریز میں انسان٬ شہر اور
قدرت کی کیٹیگریز شامل ہیں- اس مقابلے کے فاتحین کا اعلان کردیا گیا ہے-
مندرجہ ذیل میں انعام حاصل کرنے والی تصاویر ان کی تفصیلات موجود ہیں-
|
|
اس تصویر کو “ انسانوں“ کی کیٹیگری میں تیسرے انعام سے نوازا گیا- یہ تصویر
تنویر حسین نے ڈھاکہ کے ریلوے اسٹیشن پر عید کی تعطیلات کے دوران کھینچی-
یہ نوجوان اس وقت توجہ کا مرکز بن گیا جب وہ ایک ہاتھ میں بچی کو اٹھائے
اپنی فیملی کے ساتھ ٹرین میں داخل ہونے کی کوشش کر رہا تھا جبکہ دوسری جانب
ٹرین رینگنا شروع ہوگئی تھی اور بارش بھی شروع ہوچکی تھی-
|
|
یہ تصویر TATI ITAT نامی فوٹوگرافر نے برازیل کی ریاست Rio Grande do Sul
کے شہر Estrela میں کھینچی اور اس تصویر کو “ انسانوں“ کی کیٹیگری میں
دوسرا انعام ملا- فوٹوگرافر کے مطابق سال 2016 میں کھینچی جانے والی یہ
تصویر ہیٹی کی تارکین وطن دو جڑواں بہنوں کی ہے جن سے میری دوستی ہوگئی تھی-
|
|
اس تصویر کو نیشنل جیوگرافک سفری فوٹوگرافر کے اس مقابلے میں سب سے بڑے
انعام سے نوازا گیا- اور یہ تصویر “ قدرت “ کی کیٹیگری میں بھی پہلا انعام
حاصل کرنے میں کامیاب رہی- وہیل مچھلی کی یہ تصویر جاپانی فوٹوگرافر Reiko
Takahashi نے جاپانی جزیرے Kumejima پر کھینچی-
|
|
گنیش پرساد کی کھینچی گئی اس تصویر کو “ شہروں “ کی کیٹیگری میں تیسرے
انعام سے نوازا گیا- فوٹوگرافر کا کہنا ہے کہ “ میں تو صبح کے وقت اس دھند
کی تصویر کھینچنا چاہتا تھا جو ہر کہ سال دسمبر اور جنوری میں دبئی شہر میں
چھائی ہوتی ہے لیکن بدقسمتی سے میں اپنے خواب کو پورا کرنے کے لیے بلند
ترین مقام حاصل نہ کرسکا- البتہ میں نے یہ تصویر ایک نچلی منزل کی کھڑکی سے
کھینچی-
|
|
Enrico Pescantini نے یہ تصویر میکسیکو کے شہر Teotihuacan میں کھینچی اور
اس تصویر کو “ شہروں “ کی کیٹیگری میں دوسرا انعام ملا-
|
|
Alessandra Meniconzi کی اس تصویر کو “ انسانوں “ کی کیٹیگری میں پہلا
انعام ملا- فوٹوگرافر کا کہنا ہے کہ “ سال 2018 کے آغاز میں میں Golden
Eagles کا شکار کرنے والے منگولوں ایسے خاندان کے ساتھ تھا جو موسمِ سرما
کیمپ سے بہار کیمپ کی جانب ہجرت کر رہا تھا- منگولیہ کے باشندے مہمان نواز
ہوتے ہیں-
|
|
اس تصویر کو “ قدرت “ کی کیٹیگری میں تیسرے انعام سے نواز گیا- یہ تصویر
Marco Grassi نامی فوٹوگرافر نے کھینچی- فوٹوگرافر کے مطابق یہ قدرتی ٹاور
ہیں جن کے اوپر بڑے بڑے پتھر رکھے ہوئے ہیں- یہ عجیب و غریب قدرتی ٹاور
شمالی اٹلی کے جنوبی خطے Tyrol میں واقع ہیں اور انہیں Earth Pyramids of
Platten کے طور پر جانا جاتا ہے-
|
|
تنزانیہ کی جھیل ناٹرون کے اوپر سے گزرتے flamingos کی یہ تصویر Hao j نامی
فوٹوگرافر نے کھینچی اور اسے “ قدرت “ کی کیٹیگری میں دوسرے انعام سے نوازا
گیا- فوٹوگرافر نے یہ تصویر ہیلی کاپٹر کی مدد سے کھینچی-
|
|
اس بلیک اینڈ وائٹ تصویر کو “ شہروں “ کی کیٹیگری میں
پہلا انعام دیا گیا- یہ تصویر ایک جاپانی فوٹوگرافر Hiro Kurashina نے
کھیںچی- فوٹوگرافر کے مطابق ناگاساکی کی ایک مرکزی شاہراہ سے گزرنے والی
ٹرام سے کیا گیا نظارہ ہے- اس وقت بارش ہورہی تھی اور ٹرام میں سے صرف
ڈرائیور موجود تھا-
|