|
|
| |
| پنجاب کے ضمنی الیکشن میں 15 سیٹوں پر کامیابی کے بعد پی
ٹی آئی کی پوزیشن مزید مضبوط ہوگئی ہے اور ایوان میں تحریک انصاف اور
اتحادیوں کو واضح اکثریت حاصل ہے- تاہم حکومتی اتحاد نے ہر صورت حمزہ شہباز
کو وزیراعلیٰ بنانے کا فیصلہ کیا ہے اور پنجاب میں وزیراعلیٰ کے انتخاب کی
ذمہ داری ایک بار پھر مفاہمت کے بادشاہ کہلانے والے سابق صدر آصف علی
زرداری کے کندھوں پر آگئی ہے۔ |
| |
| پی ٹی آئی کی پوزیشن |
|
پی ٹی آئی کے پاس پنجاب اسمبلی میں پہلے 163 ممبران تھے لیکن اب 15 نشستیں
حاصل کرنے سے یہ تعداد 178 ہوگئی ہے جبکہ اتحادی جماعت (ق) لیگ کے کل 10
ارکان ہیں جس کے بعد دونوں جماعتوں کے پنجاب اسمبلی میں اس وقت مجموعی طور
پر 188 ارکان ہیں۔ |
|
|
|
مسلم لیگ (ن) اور اتحادی |
|
مسلم لیگ (ن) کے پاس 164 ارکان تھے لیکن ضمنی الیکشن میں 4 نشستیں لینے کے
بعد اب اس کے ارکان کی تعداد 168 ہوگئی ہے۔اس کےعلاوہ پنجاب میں پیپلز
پارٹی کے 7 ارکان ہیں جبکہ 3 آزاد ارکان اور ایک رکن راہِ حق پارٹی کا ہے
جس کے بعد (ن) لیگ کے اتحادیوں کے ساتھ کل نمبر 179 ہیں۔17 جولائی کو ہونے
والے ضمنی الیکشن میں ایک آزاد امیدوار بھی کامیاب ہوا ہے جبکہ رکن پنجاب
اسمبلی چوہدری نثار غیر فعال ہیں۔ پنجاب اسمبلی کے 371 کے ایوان میں (ن)
لیگ کے 2 ارکان کے استعفوں کے بعد اس وقت بھی 2 نشستیں خالی ہیں۔ |
|
|
|
|
| |
| حکمراں اتحاد کا فیصلہ |
|
پنجاب میں وزیراعلیٰ کے انتخاب کے حوالے سے گزشتہ روز حکمران اتحاد کا ایک
اہم اجلاس منعقد ہوا جس میں وفاقی حکومت میں شامل تمام جماعتوں نے شرکت کی
اور اجلاس میں فیصلہ کیا گیا کہ وفاقی حکومت اپنی مدت پوری کرے گی اور کسی
صورت قبل ازوقت انتخابات نہیں کروائے جائیں گے جبکہ اجلاس میں وزیراعلیٰ
پنجاب کے انتخاب کی ذمہ داری سابق صدر آصف علی زرداری کو سونپی گئی ہے۔ |
|
|
|
آصف زرداری متحرک |
|
پیپلزپارٹی کے شریک چیئرمین اور سابق صدر مملکت آصف علی زرداری کو پاکستان
کی سیاست میں مفاہمت کا بادشاہ کہا جاتا تھا اور انہوں نے کئی مواقع پر
ناممکن کو ممکن میں تبدیل کرکے دکھایا بھی ہے اور اسی لئے پنجاب میں حمزہ
شہباز کو وزیراعلیٰ پنجاب بنانے کی ذمہ داری آصف علی زرداری کو دی گئی ہے
اور اہم بات یہ ہے کہ آصف علی زرداری نے گزشتہ روز مسلم لیگ (ق) کے سربراہ
چوہدری شجاعت حسین سے ملاقات کی اور واپس جاتے ہوئے فتح کا نشان بناتے ہوئے
گئے۔ |
|
|
|
|
| |
| انتخاب میں بڑا اپ سیٹ |
| پی ٹی آئی کیلئے پنجاب میں حکومت بنانا ایک بہت بڑا
چیلنج بن چکا ہے جس کیلئے ماضی کے بڑے حریف پرویز الٰہی کی حمایت سے بھی
گریز نہیں تاہم پنجاب میں حکومت بنانے کیلئے ہر صورت (ق) لیگ کا ساتھ چاہیے
لیکن سیاسی ذرائع کا دعویٰ ہے کہ آصف زرداری نے چوہدری شجاعت کو (ن) لیگ
کے امیدوار حمزہ شہباز کی حمایت پر قائل کرلیا ہے اور امید ہے کہ(ق) لیگ
وزیراعلیٰ کے انتخاب میں پرویز الٰہی کے بجائے حمزہ شہباز کی حمایت کریگی
اور اگر واقعی ایسا ممکن ہوا تو آصف علی زرداری کی کامیابیوں میں ایک اور
اضافہ ہوجائیگا۔ |