|
|
| |
| آپ کو یہ جان کر حیرت ہوگی کہ دنیا میں اس وقت کچھ ایسے
جانور بھی موجود ہیں جنہیں دیکھ کر ایسا لگتا ہے کہ یہ کسی پینٹنگ سے اچانک
باہر نکل آئے ہیں، کیونکہ ان کے رنگ اتنے غیر معمولی ہوتے ہیں کہ وہ تقریباً
غیر حقیقی لگتے ہیں۔ دوسری جانب یہ اپنے انہیں غیر معمولی اور انوکھے رنگوں
کی وجہ سے انتہائی نایاب بھی سمجھے جاتے ہیں- |
| |
| Piebald Python |
| یہ دنیا کے نایاب ترین سانپوں میں سے ایک ہے۔ دنیا میں
بہت سے البائنو (ایک طبی حالت) سانپ موجود ہیں ہیں۔ لیکن یہ سانپ صرف جزوی
طور پر البائنو ہے۔ ان میں سے بہت زیادہ سانپ اب دنیا میں موجود نہیں ہیں۔
اس لیے اب اس قسم کے جو زیادہ تر سانپ لوگوں کو دکھائی دیں گے وہ اس تصویر
جیسے ہوں گے- |
|
|
| |
| The Bicolored Peacock |
| مور اپنے خوبصورت اور چمکدار رنگوں کے لیے جانے جاتے ہیں
بالخصوص جب وہ اپنے پروں کو کھولتے ہیں۔ یہ دنیا کے منفرد ترین موروں میں
سے ایک ہے۔ اس کے پروں کا ایک حصہ سفید اور دوسری طرف کے حصے پر نیلے رنگ
کے دائرے ہیں جن کے اندر سبز، سرخ اور سیاہ رنگ موجود ہیں۔ |
|
|
| |
| The Blue Lobster |
| لابسٹر جسے کچھ جگہوں پر جھینگا بھی کہا جاتا ہے لوگوں
کی ایک مرغوب غذا ہے- یہ عام جھینگوں سے سائز بھی تھوڑا بڑا ہوتا ہے اور اس
کے پنجے بڑے ہوتے ہیں- لیکن لابسٹر شوق سے کھانے والوں کے لیے ایک وارننگ
بھی ہے کہ اگر آپ کے سامنے بلیو یعنی نیلے رنگ کے لابسٹرآتے ہیں، تو انہیں
پکانا جرم ہوگا۔ یہ بہت نایاب قسم ہے اور اسی وجہ سے عام نہیں دکھائی دیتے-
سائنسدانوں کے مطابق ہر دو ملین میں سے ایک لابسٹر نیلے رنگ کا ہوتا ہے۔ ان
کا رنگ ایک خاص پروٹین کی مطلوبہ مقدار میں کمی کی وجہ سے ہوتا ہے۔ |
|
|
|
|
|
The Rottweiler With Vitiligo |
|
Rottweiler کتوں کی ایک خاص قسم ہوتی ہے لیکن یہ Rottweiler ان میں سے بھی
ایک ہے جو بالکل ہی عجیب نظر آتا ہے- دراصل اس کی یہ حالت Vitiligo یعنی
برص کے مرض کی وجہ سے ہے- اس مرض میں پگمنٹیشن کے ذمہ دار خلیے یا تو کام
نہیں کر پاتے یا مر جاتے ہیں۔ جس سے جلد اور کھال کچھ ایسی نظر آنے لگتی ہے- |
|
|
|
|
|
The Pink Dolphin |
|
یہ ڈولفن نایاب رنگوں والے جانوروں کی فہرست میں جگہ کی زیادہ مستحق ہے
کیونکہ اس کے بارے میں آپ کو یقین نہیں آئے گا کہ یہ واقعی حقیقت میں بھی
موجود ہیں۔ زیادہ تر ڈالفن نیلے یا سرمئی رنگ کی ہوتی ہیں مگر یہ ڈولفن
گلابی ہے۔ یہ دریائے ایمیزون میں پائی جاتی ہے- دلچسپ بات یہ ہے کہ یہ بھی
ایک عام ڈولفن کی طرح سرمئی پیدا ہوتی ہے۔ لیکن جیسے جیسے یہ بڑی ہوتی جاتی
ہے، اس کی جلد عجیب ہو جاتی ہے، جو خون کو ظاہر کرنے لگتی ہے اور یہی اس کے
گلابی رنگ کی وجہ ہے۔ |
|
|
|
|
|
The Brown Panda |
|
زیادہ تر پانڈا سیاہ اور سفید ہوتے ہیں لیکن بھورا پانڈا انتہائی
نایاب ہے اور صرف کنلنگ کے علاقے میں دیکھا جاتا ہے۔ یہی وجہ ہے کہ اس کا
سائنسی نام کنلنگ ریچھ ہے۔ سائنس دانوں کا خیال ہے کہ اس کی کھال اس کے
ماحول اور اس کی جین کی وجہ سے بھوری ہے اور یہ ایک حیرت انگیز مخلوق ہے۔ |
|
|