|
سمندر میں غوطہ خوری کے دوران فوٹو گرافی کے لئے اب کسی
خاص کیمرے کی ضرورت نہیں کیونکہ اب تو یہ کام موبائل فون کے ذریعے بھی ممکن
ہوسکے گا۔ |
|
|
|
ڈان نیوز کی رپورٹ کے مطابق معروف کمپنی سونی نے نیا واٹر پروف اسمارٹ فون
متعارف کرا دیا ہے جسے زیرآب ڈیڑھ میٹر گہرائی کے اندر بھی استعمال کیا
جاسکتا ہے اور وہاں تصاویر و ویڈیوز وغیرہ بھی بنائی جاسکتی ہیں۔
گزشتہ روز متعارف کرائے گئے 6.4 انچ اسکرین کے سونی ایکسپیریا زیڈ الٹرا
اسمارٹ فون کے بارے میں سونی کا دعویٰ ہے کہ یہ اب تک کی سب سے بڑی ڈسپلے
اسکرین ہے۔
|
|
|
|
سونی کا کہنا ہے کہ ایکسپیریا زیڈ الٹرا کی اسکرین دیگر فونز کے مقابلے میں
سب سے پتلی اور سب سے بڑی ہے اور اس میں دنیا کا سب سے تیز رفتار پروسیسر
کوالکوم سنیپ ڈریگن 800 موجود ہے۔
اس فون میں ہینڈ رائٹنگ کی شناخت کا سافٹ ویئر بھی موجود ہے جس کے ذریعے اس
پر پینسل یا سٹائی لس کے ذریعے بھی لکھا جاسکتا ہے۔
|
|
|
|
اس فون کو شنگھائی میں جاری ایشیاء موبائل ایکسپو کے دوران متعارف کرایا
گیا جس کے ساتھ سونی نے اسمارٹ واچ ٹو بھی پیش کی۔
|
|
|