یہ اور بات تیری گلی میں نہ آئیں ہم

Poet: Habib Jalib By: arbaz, khi

یہ اور بات تیری گلی میں نہ آئیں ہم
لیکن یہ کیا کہ شہر ترا چھوڑ جائیں ہم

مدت ہوئی ہے کوئے بتاں کی طرف گئے
آوارگی سے دل کو کہاں تک بچائیں ہم

شاید بہ قید زیست یہ ساعت نہ آ سکے
تم داستان شوق سنو اور سنائیں ہم

بے نور ہو چکی ہے بہت شہر کی فضا
تاریک راستوں میں کہیں کھو نہ جائیں ہم

اس کے بغیر آج بہت جی اداس ہے
جالبؔ چلو کہیں سے اسے ڈھونڈ لائیں ہم

Rate it:
Views: 2192
24 Feb, 2020
Related Tags on Habib Jalib Poetry
Load More Tags
More Habib Jalib Poetry
Popular Poetries
View More Poetries
Famous Poets
View More Poets