Dil Ka Kya Ranj Karun

Zindagi Hai To Aik Inaam Per Is Mei 2 Cheezon Ka Hona Bhht Zaruri H, Aik Zindagi Mei Rang Aur Dusra Rangon Se Muhabbat. Rangon Se Murad Yahan Wo Ehsas Wo Jazbat, Khawahishen Aur Wo Khayalat Hain Jo Insan Ko Insan Bnatey Hain. Yun To Har Wo Insan Jo Sans Leta Hai Hamari Nazar Mei Jeeta H. Per Kya Bina Ehsas Jazbat Aur Khawaish K Insan Insan Kelata Sakta Hai. Enton Se Bani Har Amarat Aik Makan Kehlati Hai Per Ghar Tab E Banta Hai Jb Us Makaan Mei Insaan Rehtey Hain. Is Duniya Mei Har Cheez Ka Bar’aqs Hai, Khushi Ka Waqt Hai To Dard Bhi Hai, Chain Hai To Be Sakoni B Hai. Kahaniyan Sb Ki Mukhtalif Hoti Hain Aur In Se Seekhty Bhi Sb Apni Apni Samajh K Mutabiq Hai.Zindagi Mei Mushkilat Sb K Ati Hain Per Un Se Guzar Kar Koi Nikhar Jata Hai Aur Koi Bikhar Jata Hai .. Aik Larki Ti Wo Khawabon Mei Jeeti Ti, Khawaishen Karti Ti Kyun K Umeed Dil Mei Rakhti Ti. Sach Hai K Har Umeed Puri Nai Hoti Ti Per Aik K Toot Janey Per Wo Nai Umeed Dhundh Leti Ti. Zindagi Mei Sb Rishton Mei Pehly Parents Aty Hain Wo Hamari Zindagi Ka Mehwar Hoty Hain. Usk Parents Bhi Us Se Bhht Pyar Krty Te . Us Ki Duniya Us K Parents Us K Behn Bhai Bs Itni Timukhtasir Ti Per Bhht Kubsurat Ti. Zindagi Mei Zid Ti Kyun K Khawaishen Ti, Pyar Ta Kyun K Apney Te, Maan Ta Kyun K Dil Mei Kuch Sapney Te. Per Wo Kehtey Hain Na Makamal Jahan To Kabi Kisi Ko Nai Milta .Waqt Kbi Aik Sa Nai Rehta . Aik Lamha Uski Duniya Mei Baesa Aya Jo Uske Chehrey Ki Hansi Ly Geya , Ankhon K Sapney Le Geya Us Se Sabhi Apney Ly Geya. Wo Lamha Aesa Ta Jis Dinn Us 16 Saal Ki Larki Ko Apney Adoption Ka Pata Chala, Us Ki Duniya Palat Gai, Wo Rishty Jo Us Ka Sb Kch Te Usy Yun Laga Sb Bikhar Gae.. Jis Haqeeqat Ne Us K Sab E Khawab Tor Diye Wo Haqeeqat Ye Ti K Us K Dad Ki Death Us K Duniya Mei Aney Se Pehly Ho Gai Ti Aur Us Ki Mom Ne Just Becaz K Wo Larki Ti Usey Accept Nai Kiya Infact Dusri Shadi Kr Li Apni New Duniya Bna Li. Jin K Sath Wo Rehti Ayi Jeeti Ayi Wo Bs Us K Dad K Frnd Ki Family Hai. Ye Sab Janney K Baad Us K Pass 2 Rastey Te . Aik Ye K Wo Is Dard Mei Bikhar Jae K Sb Logon Ki Terhan Us Ki Aik Normal Family Nai H, Aur Dusra Ye K Wo Un Yateemon Ko Dekhy Jin Ka Koi Rishta Nai Hota .. Sari Zindagi Ye Duniya Ye Moashra Hamein Khoon K Rishton Ki Azmat Muhabbat Aur Hasiyat Sikhata Hai.. Kaha Jaty Hai Bs Khooni Rishty Apne Hoty Hain.. Per Nai Ye Sach Nai H.. Sach Baton Mei Nai Milta Ehsason Mei Milta Hai. Aur Ehsas Mehsus Kiye Jatey Hain. Us Larki K Pass Jitney Bhi Rishty Te Sab Usk Dil Se Jury Te Un Mei Pyar Bhi Ta Ehsass Bhi Ta Aur Khayal Bhi . Is Duniya Ne Hamesha Usy Kaha K Us Kin A Koi Family H Na Koi Apna, Us Ne Nafraton Ki Inteha Dekhi Apni Family Mei Nai Per Un K Relatives Mei Jin Mei Se Kch Ne Usy Apny Khandan Ka Khoon Na Hone Ki Wja Se Hamesha Hikarat Ki Nazar Se Dekha. Yateem Ki Kafalat Karney Ka Sawab Bht Hai Ye Sab Janty Hain Per Ye E Log Is Duniya Mei Kbi B Yateemon Ko Chain Se Jeeney Nai Deta.. Us Larki K Pass Roney Ki Bhht Wajuhat Ti.. Khamoshi Us Ki Zaat Ka Hissa Ban Gai Ti Bs Chup Rehna Aur Sb Sehna…2 Saal Beet Gae Wo Larki Jo Chupti Khamosh Ti Sb K Sath Hansti Ti Sb Ko Aur Khud Ko Ye Yaqeen Dilati Ti K Sb Bilkl Thk Hai Aur Wo Khush H.. Zindagi Guzar Rai Ti Wo Khud Hans Nai Pati Ti To Dusron Ko Hansa Deti Ti. Kisi Ki Khushi Mei Apna Dard Bhula Deti Ti.. Usy Apni Qismat Se Koi Shikwa Nai Ta. Kyun K Us Ne Qabool Kr Lia Ta Jo Hai Ye E Hai Aur Agey Jo Ho Ga INSHAALLAH Acha E Ho Ga. Nafraton Ko Jeeya Ta Tab E Muhabbat Kya Hai Janti Ti.. Dard Paya Ta Tab E Sb Ka Dard Bantti Ti. Sb Se Alag Tis B Mei Ho Kar Bhi Khud Mei Kahin Nai Ti.. Dard Bhht Se Hoty Hain, Kuch Wo Jin Mei Paaney Ki Khawahish Khawaish E Reh Jati Ti, Kuch Wo Jin Mei Bs Galtiyon Ki Saza Milti Hai, Kuch Mei Pachtawa Rehta Hai Kch Mei Qadar Nai Hoti .. Dard To Dard H Hota H Aur Bhht Hota H.. Per Jb Sb Kch Ho Kar B Kch Na Ho Tab Dard Jan Leta Hai. Sach Hai Dil Kisi Ka Bhi Tootey Taqleef Barabar Hoti Hai. Insan Sb Se Zeada Maa Ke Qareeb Hota Hai Jis Ki Maa Ne Usey Accept Nai Kiya Sirf Isi Lie Kyun K Wo Akeli Zime Dari Nai Utha Sakti Ti Us Larki Per Kya Guzrey Gi J Busy Ye Pta Lagy ..Wo Larki Heart Patient Tis B Janney Baad Usy Aik Umeed Ti Shayid Uski Surgery Ka Sun Kar Uski Maa Us Se Contact Kary Per Nai Uska Bypass B Ho Gea Per Intezar Khatam Nai Hua. Uski Maa Ki Call Nai Ayi Na Wo Milney Ayi.. Insan K Pass Agar Sb Kch Ho Per Phir Bhi Us K Wajood Mei Wo E Na Miley To Us Ka Daman Khali Rehta Hai. Aik Khala Ti Jo Us Larki Mei Bhar Gayi Ti, Usy Na Koi Samjha Na Koi Jana.. Sannaton Mei Us Ka Shoor Dab Kar Reh Geya.. Jis Ne Kabi Apni Maa Ko Nai Dekha Kbi Us Ne.. Waqt Guzarta Geya 1 Saal Baad Achanak Aik Phone Aya Jis Mei Aik Khaton Jo Khud Ko Uski Maa Btati Hai Us Se Bat Karti Hai.. Bat Karty Maafi Mangti Hai Sirf Is Lie Kyun K Abi Unka Imtehan Ta . Unko Brain Tumor Diagnose Hua Ta Tab B Aj Apny Gunah Yaad Aye. Bs Wo Aik Din Jb Us Ne Apni Maa Ki Awaz Suni Usk Baad Agla Phone Unki Death Ki Itla Ka Aya. Malaysia Mei Death Ki Wja Se Jis Ne Pehli Dafa Apni Maa Ko Nai Dekha Ta Us Ne Akhri Dafa B Nai Dekha .. Jahan Sb Khatam Hua Wahan Bhi Us K Pass Sabar Reh Geya .. Is Sabar Mei B Insan H Na To Dil K Kisi Koney Mei Khawaishen Dabi Rahi Hasney Ki Muskuraney Ki . Nai Ta To Koi Aesa Jo Wo Khala Dekhta Jo Uski Khamoshi Suntan Jo Andhera Mitata Jo Usy Dil Se Hansata Aur Jo Usy Khud Se Bhi Pyar Karna Sikhata. Jab Tak Ap Khud Se Pyar Na Karo Khud Ko Ehmiyat Na Do Duniya Ap Ko Rait Pe Para Pathar Samajh Kar Nazar Andaz Karti Hai. Us Ne Rone Ki Jaga Hasna Qabool Kiya Family Ko Family Mana Per Kahin Na Kahin Usy Ye Ehsas Bhi Ta K Us K Lie Un Logon Ne Bhi Bhht Taqleefen Dekhi Hai Lehaza Unki Khushi K Lie Wo Larki Hansti Rai Aur Jo Akelapan Ta Usey Khud Mei Kahin Chupa Liya. Per Kch B Khuda Se Nai Chupta.. Aur Jb Wo Kch Leta Hai To Us Se Kayi Zeada Ata Karta Hai. Us Ne Usy Yaqeen Ki Naimat Di Jeeney Ki Umeed Di Family Di.. Aur Imtehan Ly Kar Sai Per Dil Ka Sakoon Aur Khushi Dono Di. Aese Log Jo Zehni Dabao Aur Tanhaiyon Se Guzarte Hain Wo Bhht Mukhtalif Hoty Hain Aur In Ko Samjhna Sb K Lie Mumkin Nai Hota Amuman Aese Logon Ko Duniya Pagal Kehti Hai. Khud Se Rooth Kar Ye Larki Zindagi Guzar Rai Ti Per Jee Nai Pati Agar Usy Sath Na Milta. Sath Mila Dosti Ka , Aik Dost Mei Behan Mili Yay Un Kaho K Behan Mei Dost . Rishta Dil Se Dil Ka Bana , Akelapan Mitt Gea Us K Sath Se, Khushi Mili Uski Khushi Se , Yaqeen Mila Us K Pyar Se . Insan Bina Saharey K Jee Sakta Hai Per Bina Sath K Nai Jee Sakta.Sath Sab Ko Chahiye Hota Hai. Is Sath Ne Us Ko Hasna Sikha Diya , Wo Larki Jo Khud Se Roothi Ti Use Jeena Sikha Diya. Aj Ki Haqeeqat Ye Hai K Wo Larki Bhht Khush Hai . Pyar Pe Yaqeen Karti Hai Aur Zindagi Ki Mushkilon Mei Haar Nai Manti. Khud Na Samjh Hai Per Dusron Ko Samjhati Hai. Thori Jazbati Hai Kyun K Apni Behan Se Bhht Pyar Krti Hai. Halaat Ko Aik Mukhtalif Nazariye Se Dekhti Hai. Khush Rehney Ki Waja Dhundhti Nai H Bna Leti Hai. Dil Se Usy Apna Manti Hai. Ghabrati Hai Girti Hai Per Sambhal Jati Hai.

Payar Wo Dolat Hai Jisey Jitna Kharch Karo Utni Bharti Hai..
Ye Wo Jannat Hai Jo Isi Dumiya Mei Basti Hai..
Pyar Ka Koi Mazhab To Nai..
Per Ye Bhi Wo Darbar Hai Jahan Har Sir Jhukta Hai…
Faqat Bat Choti Si Hai Har Din Mei Agar Roney Ki Waja Hoti Hai To Kahin Na Kahin Hasney Ki Bhi Hoti H. Bas Bat Samajhny Ki Hoti Hai.Khushi Aur Gham Mei Intekhab Hum Karty Hain Bs Samjhty Nai Hain.. Kisi Ka Bhi Naseeb Bura Nai Ho Sakta Kyun K Likha To ALLAH Ne Hai.. Ap Agar Khush Reh Nai Paty To Kisi Ko Khushi Dy Do .. Sakoon Apko Bhi Miley Ga. Dard K Badley Dard Na Do. Duniya Ki Sun Kar Khud Na Khatam Karo Logon Kakam H Batein Karna. Jahan Duniya Mei Burey Log Hain Wahan Achy Bhi Zarur Hoty Hain. Ye Sach Hai K Rishty Khoon K Bhht Azeem Hoty Hain .. Per Rishty Sirf Khoon K Hoty Hain Ye Sach Nai H, Agar Rishty Bs Khoon K Hoty To Kbi Bhi Koi Bhabi Apny Bhai Ko Ya Koi Beta Apny Baap Ko Property K Peachy Jaan Se Na Marta .. Jo Aj Kal Bhht Aam Hai .. Rishty Pyar K Hoty Hain Dil K Hotey Hain Jo Naseeb Se Banty Hain.. Rishton Mei Sirf Khoon Nai Pyar Bhi Bhht Ehmiyat Rakhta H.. Rishty Mei Sirf Khoon Ho Pyar Na Ho Ehtram Na Ho To Us Ka Wajood E Na Ho. . Per Is K Bar Aqs Khooni Taluq Ho Na Ho Agar Rishty Pyar Ho Ehtram Ho To Dosti Ka Rishta Bhi Bhhht Azeem Hai. Mukhtasir Lafzon Mei Kahun To Yaqeen Aik Pathar Ko Heera Aur Shaq Aik Heerey Ko Bhi Pathar Bana Deta Hai.. Jis Nazar Se Dekho Ge Haqeeqat Wesi Dikhey Gi..
Aik Sapna Tootney K Baad , Dusra Sapna Dekhney Ki Himmat Ko Zindagi Kehtey Hain..
Jese Rat Din Mei Zarur Badalti Hai Wese E Andhera Bhi Roshani Mei Zarur Badalta Hai.. Dard Bhi Khushi Mei Zarur Badalta Hai. Bs Yaqeen Karo Aur Intezar Rakho. Haarty Wo Hain Jo Haar Maan Lety Hain, Aur Jeethty Wo Hain Jo Khud Ko Sambhal Lety Hain.. Kabhi Bhi Khawaish Karna Na Choro, Chorna Hai To Zid Choro..Khamoshi Mei Sakoon Hai Aur Khamoshiyon Mei Veerani. Khamoshi Se Batein Sulajhti Hai To Khamoshiyon Se Rishty Ulajhty Hain. Hadd Se Zeada Kch Bhi Barh Jae To Dard Milta Hai . Sab Kch Hamari Soch Se Samajh Se Jura Hai Zindagi Hamesha Imtehan Leti Hai Ar Faraq Imtehan Se Nai Jawab Se Parta Hai… Bhaley E Kisi Ko Khushi Do Na Do Bas Dard Na Do..