Log Kya Sochenge???

(Kulsoom Ghazal, )

Bano Or Us K Ghar Walon Ko Sub Rishtedar Nikkah Ki Mubarak Dene Lage, Mehmano K Jane K Baad Bano K Abbu Jahan Khush Thay Sath Hi Pareshan Nazar Arahe Thay... Wo Dil Hi Dil Main Soch Rahe Thay Nikkah To Hogaya Ab Kuch Mahine Baad Ruksati Deni Hai Kese Hoga Sub Kya Hoga Eik Hi Beti Per Sari Jama Punji Kharch Krdi Gai To Baki Betiyon Ka Kese Hoga?? Abhi To Unki Parhai Bhi Chal Rahi Hai Lekin Shadi To Dhoom Dham Se Krni Paregi Warna Log Kya Kahenge??

Itne Main Choti Beti Baap Ki Pareshani Ko Mehsoos Krleti Hai Or Apne Abbu Se Kehti Hai, Abbu Allah Per Bharosa Rakhen Sub Khair Se Hojayega. Hum Is Qabil To Hain K Izzat Or Sadgi Se Apni Behen Ko Ruksat Kr Sakte Hain.

Us Per Bano K Walid Ne Kaha Beta Ye Zalim Zamana Hai Jeene Nahi Deta Sadgi Se Ruksati Di To Log Kya Sochenge?? Tarah Tarah Ki Baaten Banayenge...

Bano Ki Behen Ne Is Baat Per Kaha, Abbu Kuch To Log Kahenge Unka Kam Hai Kehna Ab Hum Kya Logon K Dar Se Jeena Chor Den Humain Logon Ka Nhi Apna Sochna Hai Logon Ki Nhi Sunni Or Jab Larki Or Larke K Ghar Wale Sadgi Se Ruksati K Liye Tayar Hain To Phr Ye Log Hote Kon Hain Kuch Kehne Wale. Abbu Insan Ko Apni Chadar Dekh Kr Paow Phelane Chahiye Ab Ye To Nhi Na K Logon K Bare Main Soch Kr Apne Liye Pareshani Kren Dhoom Dharaka Krne K Liye Qarzdar Hojayen. Shadi K Liye Zaroori Hota Hai Nikah Jo Ho Chuka Hai Sbki Mojudgi Main Ab Wo Unki Qanooni Bhi Or Shariyat Se Bhi Biwi Hain Wo Jb Chahen Le Ja Sakte Hain.

Bano K Walid Bole Per Beta Kehna Asan Hai Log Kya Sochenge K Q Itni Saadgi Se Ruksati Ki? Kya Wajah Thi? Tmhari Behen K Qirdar Per B Kahenge...

Phir Beti Ne Jawab Main Kaha Abbu Islam Main Bhi Sadgi Ko Pasand Kiya Gaya Hai Or Fazool Kharchiyon Se Mana. Logon Ka Kya Hai Nuqs Nikal Hi Lete Hain Achai Yaad Nahi Rakhte Burai Main Yaad Rakhte Hain Hum Eik Waqt Main Sub Ko Khush Nhi Kr Sakte Ye To Logon Ne Hi Tareka Bana Liya Hai Jitni Show Bazi Hogi Utna Fakhar Mehsoos Krenge, Shadiyon Main Khane Ki Kitni Be-Adbi Hoti Hai Log Naam Krne K Liye Khane Main Eik Se Ziyada Khane Rakhte Hain Or Mehman Khane Ki Barbadi Krte Hain.. Arey Is Se Acha To Un Logon Ko Khana De Dena Chahiye Jinhen Eik Waqt Ka Khana Bhi Mushkil Se Milta Hai, Jinhen Qadar Hai Q K Munh Hum Ne Allah Ko Dikhana Hai Logon Ko Nhi Or Shadi Main Itni Fazool Kharchi Krne K Bajaye Larki Ko Koi Aisi Cheez Deni Chahiye Jo Us K Khuda Na Kre Bure Waqt Main Kam Aye.. Shadiyon K Trends Bhi Waqt K Sath Badalte Hain Log Charhte Suraj Ki Pooja Krte Hain Jo Samne Hain Bus Wohi Acha Hai Koi Naya Trend Aya To Pichla Bhool Gaye Or Sare Kiye Dhare Per Pani Pard Jata Hai Phir Hum Ye Soch Kr K Log Kya Sochenge?? Apne Ap Ko Qarzdar Q Banaye?? Apni Jaib Ko Naraz Q Kren?? Logon Ko Bus Baaten Banani Atti Hain Moqa Chahiye. Log Bol Kr To Chale Jate Hain Wo Baad Ka Nhi Sochte K Kahan Se Kiya Hoga? Kese Kiya Hoga? Shadi Krna Mushkil Nahi Hai Isko Mushkil Bana Diya Gaya Hai Sirf Ye Soch Kr K Log Kya Sochenge?? Arey Ye Bhi Hum Hi Sochen K Log Kya Sochenge To Phir Khud “Log Kya Sochenge”, Un K Pass Sochne Ya Kehne K Liye Kya Bachega.

Humare Aisa Krne Se Humare Ass Pass K Log Humari Is Baat Ko Dehan Main Rakh Kr Asani Se Shadi Kr Sakenge Phr Or Bhi Logon Ko Himmat Milegi Or Eik Misaal Qaim Hogi Phr Ahista Ahista Ye Trend Bhi Ajayega Or Shadi Karna Asan Hojayega..

Is Jumle Ne Humare Muashre K Logon K Zehen Main Ghar Kr Liya Hai Or Apni Jaren Mazboot Krli Hain, Is Jumle Ki Wajah Se Zehni Sukoon Bhi Mutasir Hota Hai Or Insan Ehsas-E-Kamtari Or Depression Main Mubtala Hojata Hai...

Comments Print Article Print
 PREVIOUS
NEXT 
About the Author: Kulsoom Ghazal

Read More Articles by Kulsoom Ghazal: 5 Articles with 2621 views »
Currently, no details found about the author. If you are the author of this Article, Please update or create your Profile here >>
24 Jul, 2018 Views: 674

Comments

آپ کی رائے