شادی کے حسین جوڑوں میں سجی پاکستانی سلیبریٹیز

یوں تو پاکستانی شوبز ستاروں کی شادیاں ویسے بھی شہرت حاصل کر ہی لیتی ہیں لیکن جب بات ہو شادی کے جوڑوں کی تو کچھ سلیبریٹیز کا حسن اور بھی دمک گیا جب انہوں نے پہنا یہ عروسی جوڑا-

سنیعہ شمشاد
بھولی بھالی شکل و صورت کی سنیعہ شمشاد نے اپنی شادی پر پہنا بہت ہی بھاری اور خوبصورت جوڑا۔۔۔ان کا یہ حسین ڈریس تھا ڈیزائنر خدیجہ بتول کا جن کی برانڈ کا نام ہے سیم سارا۔۔۔انہوں نے روایتی دلہنوں کی طرح لال اور گولڈن کو ہی اپنی شادی کا رنگ مانا اور ایک لمحے کو انہیں شادی کے بھاری ترین جوڑے میں دیکھ کر لوگوں نے سوچا ضرور کہ آخر اس نازک سی لڑکی نے کس طرح ڈریس کو سنبھالا ہے۔۔۔

نیمل خاور
انا ڈرامے کی ہیروئن اور حمزہ عباسی کی اصلی زندگی کی ہیروئن نیمل خاور نے اپنی شادی کے دن کے لئے چنا اپنی ماں کے نکاح کا جوڑا۔۔۔نیمل کا کہنا تھا کہ جیسے ہی انہوں نے شادی کا فیصلہ کیا تو یہ طے کرلیا تھا کہ انہیں اپنی امی کا ہی جوڑا پہننا ہے۔۔۔انہوں نے ڈیزائنر ماہین شاہ کی مدد سے جوڑے کو اپنی پسند سے آلٹر کروایا اور پھر سادہ سے میک اپ اور خوبصورت جیولری سے اس دن کی شان کو بڑھایا۔۔۔نیمل کے اس انداز کو باقاعدہ میک اپ آرٹسٹ نے نقل کیا اپنے سیلونز کی پروموشن کے لئے۔۔۔

ایمن خان
ایمن منیب کی شادی کی کئی تقریبات ہوئیں اور ہر روز ایمن کا ایک نیا انداز سامنے آیا۔۔۔لیکن نکاح میں ہی ایمن نے اتنا بھاری جوڑا پہن لیا تھا کہ شادی میں اور نکاح میں زیادہ فرق محسوس نا ہو پایا۔۔۔ایمن خان ہر دن کی طرح شادی میں بھی حسین لگیں لیکن انہوں نے دیپیکا پاڈیکون کا ہیئر اسٹائل بنوانے کی کوشش کی اور وہ ان پر زیادہ جچا نہیں۔۔۔لیکن ان کا بھاری جوڑا جو اسلام آباد کی ڈیزائنر ارم خان کا تھا اپنی شان و شوکت میں سب سے جدا تھا۔۔۔

اقراء عزیز
اقراء عزیز کی شادی کا سب کو ہی تھا انتظار۔۔۔سوشل میڈیا پر ہر وقت نظر آنے والی اس اداکارہ کے اس خاص دن کے خاص جوڑے اور تیاری کو دیکھنے کے لئے سب ہی تھے بے قرار۔۔۔اقراء عزیز نے اپنے اس خاص دن کے جوڑے کے لئے ڈیزائنر نومی انصاری سے مدد لی اور انہیں بتایا کہ وہ لال رنگ کا ہی جوڑا پہننا چاہتی ہیں اور مشرقی دلہن کے طور پر ہی اپنے اس خاص دن پر نظر آنا چاہتی ہیں۔۔۔نومی نے لال رنگ کا بھاری لہنگا چولی ڈیزائن کیا جسے بعد میں لوگوں نے پریانکا کی شادی سے تشبیہ کیا۔۔۔لیکن اقراء عزیز نیا سے بہت خوبصورتی سے پہنا اور میک اپ آرٹسٹ وقار حسین سے دن کی شادی کے حساب سے ہلکا مگر دلہن والا میک اپ کروایا جو اقراء پر جچا بھی۔۔۔

ایمان علی
ماڈل اور اداکارہ ایمان علی کی شادی کا بھی سب کو انتظار تھا اور پھر پچھلے سال کے آغاز میں انہوں نے شادی کا یہ جوڑا پہن لیا ۔۔۔ڈریس ان کے بہت اچھے دوست ڈیزائنر عمر سعید نے بنایا تھا اور ایمان علی کے حسن کو چار چاند لگ گئے تھے اس جوڑے کو پہننے کے بعد۔۔۔روایتی لال جوڑا انہوں نے نہیں پہنا لیکن ان کے انداز سارے روایتی دلہنوں جیسے ہی تھے۔