|
|
|
پاکستانی ڈرامہ انڈسٹری میں ایسے کئی ستارے ہیں جو منفی کرداروں کے لئے ہی
منتخب کئے جاتے ہیں اور پھر وہ لاکھ کوشش کرلیں، لیکن ان پر مثبت کردار
جچتے ہی نہیں۔۔۔ان میں سے کچھ اداکار ایسے بھی ہیں جو منفی بننے کی
ادااکاری کرتے کرتے اصلی زندگی میں کافی منفی ہوچکے ہیں-
اشنا شاہ
اداکارہ اشنا شاہ نے کئی ڈراموں میں منفی کردار ادا کئے اور ان پر چھاپ لگ
گئی ہے کہ وہ ایک منفی کردار اداکا کرنے والی خاتون ہیں۔۔۔بلا ڈرامہ میں جس
طرح وہ ہر حد سے گزر کر اپنے ہی گھر والوں کو برباد کرتی ہیں، پھر بے وفا
ڈرامے میں پیسے کی خاطر کسی کے ہنستے بستے گھر کو برباد کرتی ہیں ۔۔۔اور جس
انداز سے بولتی ہیں اس سے ہر انسان کو ان سے چڑ ہوجاتی ہے۔۔۔لیکن اصلی
زندگی میں بھی اشنا شاہ کا غصہ بہت ہی خراب ہے۔۔۔وہ غصہ اکثر ٹوئٹر پر نظر
آجاتا ہے اور پھر پتہ چلتا ہے کہ شاید وہ اپنے اندر موجود اس غصہ کو ہی
کرداروں میں ڈھالتی ہیں-
|
|
|
|
صبا حمید
صبا حمید نے ایسے کئی کردار ادا کئے ہیں جس میں وہ ایک سخت ساس، یا پھر بہت
ہی بری نند بنی ہیں۔۔۔بابا جانی میں کڑوی نند تو غلطی ڈرامہ میں سخت
ساس۔۔۔لیکن اصلی زندگی میں بھی صبا حمید سے بات کرنا اتنا آسان نہیں۔۔۔۔اگر
انہیں کال ملائی جائے تو ان کا رویہ بہت ہی سخت ہوتا ہے اور ان سے بات کرنے
والا بات کہنے سے پہلے ہی ڈر جاتا ہے۔۔۔لیکن یہ بھی سچ ہے کہ صبا حمید کی
اداکاری ہی اصل جان ڈالتی ہے کسی بھی ڈرامہ میں-
|
|
|
|
ثنا عسکری
ثنا عسکری کئی ڈراموں میں بہت ہی بدمزاج اور اکھڑ قسم کے کردار ادا کرتی
رہی ہیں۔۔۔آج کل بھی وہ ڈرامہ ’’غلطی‘‘ میں لالچی اور بدمزاج نند کا کردار
بخوبی نبھا رہی ہیں۔۔۔لیکن سچ تو یہ ہے کہ اصلی زندگی میں ان سے زیادہ محبت
سے بات کرنے والا اور پیارا کوئی نہیں۔۔۔وہ اپنی اصل زندگی میں اس کے بالکل
برعکس ہیں اور بات کرتے ہوئے ان کی زبان ہمیشہ میٹھی رہتی ہے۔۔۔لیکن جہاں
وہ اپنے کردار میں ڈھل جاتی ہیں تو پھر انہیں کوئی نہیں پہچان پاتا-
|
|
|
|
نیلم منیر خان
ڈرامہ دل موم کا دیا میں ایک انتہائی نخریلی اور سر پھری بیوی کا کردار ادا
کرنے والی نیلم منیر حقیقی زندگی میں بہت ہی مسکرا کر اور پیار سے ملنے
والی اداکارہ ہیں۔۔۔یہ سچ ہے کہ انہوں نے الفت کی صورت میں لوگوں کی بہت
نفرت اور ملامت حاصل کی لیکن ساتھ ہی لوگ یہ جانتے تھے کہ اصلی زندگی میں
یہ خوبصورت لڑکی اس کے بالکل برعکس ہے-
|
|
|