ان کے آگے ہر ہیروئن ذرا ہلکی پڑجاتی ہے۔۔۔انڈسٹری کے خوبصورت ہیروز

لڑکیاں تو میک اپ اور تیاری کے لبادے میں ڈھل کر حسن کے معیار تک پہنچ جاتی ہیں لیکن لڑکوں کو یہ سب کئے بغیر بھی ان کے اصلی حسن پر ہی دیکھا جاتا ہے۔۔۔پاکستانی شوبز کے کچھ ہیروز اتنے اچھے اور پرکشش ہیں کہ ان کے آگے ہر خوبصورت لڑکی بھی تھوڑی ہلکی پڑجاتی ہے-

میکال ذوالفقار
میکال ذوالفقار کی شخصیت اور شکل دونوں ہی اتنے پرکشش ہیں کہ کہانی میں ہیروئن کو بعد میں دیکھا جاتا ہے اور لڑکیاں پہلے ہی ہیرو کی دیوانی ہوجاتی ہیں۔۔۔یوں تو ذاتی زندگی میں ان کی ہیروئن انہیں چھوڑ کر جاچکی ہیں لیکن ظاہری خوبصورتی میں میکال ذوالفقار کو بہترین ہیرو تصور کیا جاتا ہے-

عمران عباس
ایسا لڑکا تو خوابوں میں ہی نظر آتا ہے جس کی رنگین آنکھیں، نپے تلے نقش اور پتلے ہونٹ۔۔۔ایسا لگتا ہے کہ اس ہیرو کو حسن کے ہی سانچے میں ڈھالا گیا ہے۔۔۔یہ جس ہیروئن کے ساتھ بھی آئیں توجہ کا مرکز بن ہی جاتے ہیں۔۔۔کہیں ان کے لفظ بولتے ہیں اور کہیں ان کی آنکھیں-

بلال عباس
بھولے بھالے چہرے پر پرکشش شخصیت سے بھرپور بلال عباس کو نوجوان خواتین میں کافی پسند کیا جاتا ہے اور جب انہیں ڈرامہ بلا میں اشنا شاہ کے ساتھ دیکھا گیا تو بہت ساری لڑکیوں کو یہ اعتراض رہا کہ وہ ان کے سامنے بالکل بھی نہیں جچ رہیں۔۔۔اور بلال عباس سے بڑی بھی لگ رہی ہیں۔۔۔

عماد عرفانی
ماڈلنگ سے اپنے کیرئیر کا آغاز کرنے والا یہ ہینڈسم اور خوبصورت نوجوان جب ڈرامہ ’’چیخ‘‘ میں صبا قمر کے شوہر بنے تو دلوں پر حکومت کرنے لگے۔۔۔ایک تو حسن اوپر سے بیوی کا ساتھ دینے والا بہترین انداز۔۔۔خواتین ان کو کیسے نا پسند کرتیں۔۔۔یوں تو انہیں پہلے بھی سراہا جاتا تھا لیکن اس ڈرامہ کے بعد تو جیسے یہ لڑکیوں کے آئیڈیل ہی بن گئے-

شہریار منور صدیقی
ہالی وڈ کے ہیروز جیسا فیس کٹ اور انتہائی دھیما لہجہ، خوبصورت آنکھیں اور پروقار شخصیت۔۔۔انہوں نے تو آتے ہی دلوں پر حکمرانی کرنا شروع کردی۔۔۔پھر فلموں میں جب ہیرو آئے تو لڑکیوں نے انہیں کافی پسند کیا۔۔۔مایا علی کے ساتھ ان کی جوڑی اس لئے جچتی ہے کیونکہ دونوں ہی چاند سورج کی جوڑی لگتے ہیں۔۔۔ان کی سابقہ منگنی کو اس لئے پسند نہیں کیا کہ لڑکیوں کو لگا کہ شاید شہریار اس سے بھی اچھی کوئی لڑکی کے ہیرو ہونے چاہیں۔۔۔لیکن ان کی سابقہ منگیتر بھی ایک بہت ہی قابل اور اچھی لڑکی تھیں-