میری سوتن میری بہت اچھی سہیلی ہیں۔۔۔پاکستانی ستارے جنہوں نے سوتن کے ہوتے ہوئے بھی شادی کی

شادی کرنا ایک بہت نیک عمل ہے لیکن عموماً دوسری شادی میں بیویوں کا ایک ساتھ رہنا، دوست بننا بہت مشکل لگتا ہے۔۔۔لیکن پاکستانی ستاروں میں ایسی کئی مثالیں ہیں جنہوں نے اپنی سوتن سے دوستی کا ذکر کرکے سب کو حیران کردیا۔۔۔

صبیحہ خانم اور ان کی سوتن
اداکارہ صبیحہ خانم مرحوم جب اپنی شہرت کے عروج پر تھیں تو انہیں سپر اسٹار سنتوش سے پیار ہوگیا۔۔۔صبیحہ خانم جب صرف چھے سال کی تھیں تو ان کی والدہ کا انتقال ہوگیا تھا اور والد نے بچپن میں ددھیال بھیج دیا تھا تاکہ پرورش ہوسکے۔۔۔جب واپس آئیں والد کے پاس تو کچھ عرصہ بعد ہی فلمی دنیا میں قدم رکھ دیا۔۔۔والد ان کے معاملے میں کافی محتاط تھے کہ کہیں زندگی میں کوئی دکھ نا ملے۔۔۔اس لئے جب سنتوش سے شادی کا کہا تو والد نے سب سے پہلے کہا کہ ان کی پہلے سے شادی ہے اور دو بیٹیاں بھی۔۔۔صبیحہ خانم نے کہا کہ وہ ایک بہت اعلی انسان ہیں اور میں جانتی ہوں کہ وہ کچھ برا نہیں ہونے دیں گے۔۔۔یوں یہ شادی ہو گئی اور صبیحہ خانم کی اپنی سوتن سے انتہائی اچھی دوستی تھی۔۔۔ان کا کہنا تھا کہ ہم دونوں میں کوئی نا اتفاقی اس لئے بھی نہیں ہوئی کہ ہم دونوں ہی سنتوش کو بے تحاشا چاہتے تھے تو پھر کوئی فساد بن ہی نہیں پایا۔۔۔ہمارے بچے ایسے مل کر رہتے تھے جیسے ایک ہی ماں سے ہوں۔۔۔صبیحہ خانم خود بھی ایک بہت بڑے دل کی مالک تھیں۔

اسماء عباس اور ان کی سوتن
اداکارہ اسماء عباس جب صرف تئیس سال کی تھیں تو الحمرا میں آرٹسٹ بننے کی کوششوں میں جاتی تھیں اور وہیں ان کی ملاقات ہوئی اپنے شوہر سے۔۔۔ان کے شوہر ایک آرمی آفیسر ہیں اور ان کی پہلی شادی سے کوئی اولاد نہیں تھی۔۔۔وہ اپنی پہلی بیوی کے دیوانے تھے اور اسماء عباس سے ملنے سے چار دن پہلے تک بھی اپنی بیوی کو یہ یقین دلایا تھا کہ تمہارے سوا کوئی زندگی میں نہیں آسکتا۔۔۔لیکن اسماء عباس کو دیکھنے کے بعد انہوں نے فوراً ہی شادی کا فیصلہ کیا۔۔۔اسماء عباس کا کہنا ہے کہ مجھے تو شروع سے ہی آرمی آفیسرز متاثر کرتے تھے اور وہ بہت ہینڈسم بھی تھے۔۔۔بس میں نے اپنے والد کو کہہ دیا کہ میں راضی ہوں۔۔۔جب شادی ہوئی تو ان کی سوتن اس وقت ملک سے باہر تھیں اور جب انہیں پتہ چلا تو وہ بہت دکھی بھی ہوئیں لیکن اسماء سے بات کرکے بہت مطمئن ہوگئیں۔۔۔دونوں نے ایک ساتھ نبھانے کا فیصلہ کیا اور اسماء کے بچوں کی پرورش میں ان کا بہت بڑا ہاتھ ہے۔۔۔وہ انہیں بڑی امی ہی کہتے ہیں۔۔۔

فریدہ شبیر اور ان کی سوتن
اداکارہ فریدہ شبیر کی شادی شبیر جان سے جب ہوئی تو شبیر جان کے پہلے سے چھے بچے تھے اور ان کی بیگم کو اس بات کا علم نہیں تھا کہ شبیر جان اس طرح کا کوئی قدم اٹھانے والے ہیں۔۔۔فریدہ شبیر کا کہنا ہے کہ اس شادی سے پہلے ہی میں نے اپنی سوتن سے دوستی کرلی تھی اور شبیر کی پہلی بیگم کے بچوں کی زندگی میں میرا بہت کردار ہے۔۔۔شبیر جان کے بچے اپنی زندگی کے بہت سراے مسائل کا حل فریدہ شبیر سے ہی لیتے ہیں۔۔۔فریدہ شبیر اپنی سوتن سے ہر طرح کے مسائل ہر بات کر لیتی ہیں