|
|
یوں تو سارے ہی رشتے اپنے اندر محبت کا ایک احساس رکھتے ہیں لیکن بہت ہی مزیدار
رشتہ ہے خالہ اور بھانجی کا۔۔۔اس رشتے میں خالہ کچھ یوں بھی بھانجی کے دل کے قریب
ہوتی ہیں کیونکہ اماں کی سختیوں میں وہ ایک چھاؤں کی طرح ہوتی ہیں۔۔۔شوبز میں بھی
ایسی کئی خالائیں ہیں جو اپنی بھانجیوں کے لاڈ اٹھاتے نہیں تھکتیں |
|
سعدیہ امام اور عالیہ امام |
یوں تو یہ دونوں بہنیں پھپھو بھی کمال ہیں لیکن ایک دوسرے کے بچوں کی یہ
بہترین خالائیں ہیں۔۔۔۔عالیہ امام کو یوں بھی بچوں سے دیوانہ وار محبت ہے
اور ان کا کیونکہ ایک ہی بیٹا ہے اس لئے سعدیہ امام کی بیٹی میرب ان کی
آنکھوں کا تارا ہے۔۔۔اکثر اس کی سالگرہ سے لے کر اس کے کپڑوں کی سلیکشن تک
خالہ جان ہی کرتی ہیں۔۔۔میرب بھی اپنی خٓلہ سے بہت پیار کرتی ہیں اور اگر
انہیں کوئی پریشانی ہو تو وہ اپنے ننھے ننھے دکھ خالہ عالیہ امام کو ہی
بتاتی ہیں |
|
|
نیلم منیر |
خوبصورت آنکھوں والی یہ خالہ نیلم منیر اپنے بھانجے بھانجیوں کے لئے ایک
تحفہ ہیں۔۔۔نیلم ایک بہترین خالہ ہیں اور اپنی بھانجی کے بال بنانے سے لے
کر ان کے ساتھ مستی کرنا اور کھیلنا ان کا بہترین مشغلہ ہے۔۔۔اگر کوئی نیلم
کو اپنے بھانجے بھانجی کے ساتھ کھیلتا دیکھے تو وہ یہی سمجھے گا کہ یہ خود
بھی کوئی بچی ہیں۔۔۔کیونکہ نیلم منیر اپنے گھر کے بچوں پر جان چھڑکتی ہیں۔۔۔ |
|
|
صنم بلوچ |
صنم بلوچ کو بچے بہت پسند ہیں اور جب وہ مارننگ شو کرتی تھیں تو اکثر اپنے
بھانجی بھانجوں سے ملواتی بھی تھیں۔۔۔انہیں بڑی بہن کی بیٹیوں سے تو عشق
تھا ہی پھر ان کی چھوٹی بہن اور سبرین کے گھر بھی دو پریاں آگئیں اور یوں
خالہ صنم کے مزے۔۔۔وہ ایک بہترین خالہ ہیں اور انہیں بچوں کے لاڈ اٹھانے
میں بہت مزہ آتا ہے۔۔۔اکثر وہ اپنے بھانجے سندھیار کے ساتھ ٹک ٹاک کی
ویڈیوز بھی بناتی ہیں اور انہیں پیار سے سندھی میں ’’ منجھو مٹھرو‘‘ کہتی
ہیں۔۔۔ |
|
|
ارسہ غزل |
دیکھنے سے لگتا ہے کہ ارسہ غزل تھوڑی سخت ہوں گی لیکن جب کوئی انہیں اپنی
بھانجی کے ساتھ دیکھے تو یوں لگتا ہے کہ ان سے زیادہ محبت اور پیار کی
بوچھاڑ کوئی کر ہی نہیں کستا۔۔۔وہ اپنی بھانجی کو سب سے خوبصورت مانتی ہیں
اور انہیں لگتا ہے کہ جس پیار سے وہ اسے دیکھتی ہیں کوئی نہیں دیکھ سکتا- |
|
|
منال |
یوں تو منال نئی نئی خالہ بنی ہیں لیکن کوئی اندازہ نہیں لگا سکتا ان کے
پیار کا۔۔۔اپنی شوٹس پر بھی وہ بار بار ننھی بھانجی سے بات کرنے کا بہانہ
ڈھونڈ لیتی ہیں اور ان سے زیاہد لاڈ تو گھر میں کوئی کر ہی نہیں سکتا اپنی
بھانجی کے۔۔۔ |
|