ماں باپ کے حقوق

(Ilyas Mohammad Hussain, )

ماں باپ کے حقوق کے حوالہ سے ایک انتہائی پراثرنظم شاید آپ نے نہ پڑھی ہو یہ نظم پڑھ کر کئی بار آنکھوں میں آنسو بھی آجاتے ہیں اس خوب صورت انداز میں حالات اوراحساسات کی عکاسی کی گئی ہے کہ دل بھر آتاہے
میرے بچو، گر تم مجھ کو بڑھاپے کے حال میں دیکھو
اْکھڑی اْکھڑی چال میں دیکھو مشکل ماہ و سال میں دیکھو
صبر کا دامن تھامے رکھنا کڑوا ہے یہ گھونٹ پہ چکھنا
’’اْف‘‘ نہ کہنا، غصے کا اظہار نہ کرنا میرے دل پر وار نہ کرنا
ہاتھ مرے گر کمزوری سے کانپ اْٹیں
اور کھانا، مجھ پر گر جائے تو
مجھ کو نفرت سے مت تکنا، لہجے کو بیزار نہ کرنا
بھول نہ جانا ان ہاتھوں سے تم نے کھانا کھانا سیکھا
جب تم کھانا میرے کپڑوں اور ہاتھوں پر مل دیتے تھے
میں تمہارا بوسہ لے کر ہنس دیتی تھی
کپڑوں کی تبدیلی میں گر دیر لگا دوں یا تھک جاؤں
مجھ کو سْست اور کاہل کہہ کر، اور مجھے بیمار نہ کرنا
بھول نہ جانا کتنے شوق سے تم کو رنگ برنگے کپڑے پہناتی تھی
اِک اِک دن میں س دس بار بدلواتی تھی
میرے یہ کمزور قدم گر جلدی جلدی اْٹھ نہ پائیں
میرا ہاتھ پکڑ لینا تم، تیز اپنی رفتار نہ کرنا
بھول نہ جانا، میری انگلی تھام کے تم نے پاؤں پاؤں چلنا سیکھا
میری باہوں کے حلقے میں گرنا اور سنبھلنا سیکھا
جب میں باتیں کرتے کرتے، رْک جاؤں، خود کو دھراوں
ٹوٹا ربط پکڑ نہ پاو ٔں، یادِ ماضی میں کھو جاو ں
آسانی سے مجھ نہ پاؤں، مجھ کو نرمی سے سمجھانا
مجھ سے مت بے کار اْلجھنا، مجھے سمجھنا
اکتا کر، گھبرا کر مجھ کو ڈانٹ نہ دینا
دل کے کانچ کو پتھر مار کے کرچی کرچی بانٹ نہ دینا
بھول نہ جانا جب تم ننھے منے سے تھے
ایک کہانی سو سو بار سنا کرتے تھے
اور میں کتنی چاہت سے ہر بار سنایا کرتی تھی
جو کچھ دہرانے کو کہتے، میں دہرایا کرتی تھی
اگر نہانے میں مجھ سے سستی ہو جائے
مجھ کو شرمندہ مت کرنا یہ نہ کہنا آپ سے کتنی بوآتی ہے
بھول نہ جانا جب تم ننھے منے سے تھے اور نہانے سے چڑتے تھے
تم کو نہلانے کی خاطر چڑیا گھر لے جانے میں تم سے وعدہ کرتی تھی
کیسے کیسے حیلوں سے تم کو آمادہ کرتی تھی
گر میں جلدی سمجھ نہ پاؤں، وقت سے کچھ پیچھے رہ جاؤں
مجھ پر حیرت سے مت ہنسنا اور کوئی فقرہ نہ کسنا
مجھ کو کچھ مہلت دے دینا شاید میں کچھ سیکھ سکوں
بھول نہ جانا میں نے برسوں محنت کر کے تم کو کیا کیا سکھلایا تھا
کھانا پینا، چلنا پھرنا، ملنا جلنا، لکھنا پڑھنا
اور آنکھوں میں آنکھیں ڈال کے اس دنیا کے آگے بڑھنا
میری کھانسی سْن کر گر تم سوتے سوتے جاگ اْٹھو تو
مجھ کو تم جھڑکی نہ دینا
یہ نہ کہنا، جانے دن بھر کیا کیا کھاتی رہتی ہی ہو
اور راتوں کو کھوں کھوں کر کے شور مچاتی رہتی ہو
بھول نہ جانا میں نے کتنی لمبی راتیں
تم کو اپنی گود میں لے کر ٹہل ٹہل کر کاٹی ہیں
گر میں کھانا نہ کھاؤں تو تم مجھ کو مجبور نہ کرنا
جس شے کو جی چاہے میرا اس کو مجھ سے دور نہ کرنا
پرہیزوں کی آڑ میں ہر پل میرا دل رنجور نہ کرنا
کس کا فرض ہے مجھ کو رکھنا
اس بارے میں اک دوجے سے بحث نہ کرنا
آپس میں بے کار نہ لڑنا
جس کو کچھ مجبوری ہو اس بھائی پر الزام نہ دھرنا
شاندار کل تم جان سکو گے اس ماں کو پہچان سکو گے
گرچہ جیون کی اس دوڑ میں میں نے سب کچھ ہار دیا ہے
لیکن، میرے دامن میں جو کچھ تھا تم پر وار دیا ہے
تم کو سچا پیار دیا ہے جب میں مر جاؤں تو مجھ کو
میرے پیارے رب کی جانب چپکے سے سرکا دینا
اور، دعا کی خاطر ہاتھ اْٹھا دینا
بھول نہ جانا میرے بچوں جب تک مجھ میں جان تھی باقی
خون رگوں میں دوڑ رہا تھا دل سینے میں دھڑک رہا تھا
خیر تمہاری مانگی میں نے ،میرا ہر اک سانس دعا کرتا تھا
 

Comments Print Article Print
 PREVIOUS
NEXT 
About the Author: Ilyas Mohammad Hussain

Read More Articles by Ilyas Mohammad Hussain: 293 Articles with 93828 views »
Currently, no details found about the author. If you are the author of this Article, Please update or create your Profile here >>
05 Oct, 2020 Views: 330

Comments

آپ کی رائے