|
|
| |
| کہتے ہیں اگر گھر والوں کی سپورٹ ساتھ ہو تو انسان بڑے
سے بڑے طوفان کے سامنے ڈٹ کر کھڑا ہوجاتا ہے لیکن اگر وہ طوفان ہی گھر والے
کھڑا کریں تو انسان بھلا کہاں جائے۔۔۔پاکستانی شوبز انڈسٹری میں ایسے کئی
نام ہیں جنہوں نے گھر والوں کی شدید مخالفت کے باوجود اس میدان میں قدم
رکھا- |
| |
| شرمین علی |
| ڈرامہ ’’پردیس‘‘ میں شائستہ لودھی کی دیورانی کا منفی
کردار ادا کرنے والی شرمین نے اس سے پہلے بھی بہت ڈراموں میں کام کیا اور
میزبانی بھی کی۔۔۔شرمین ایک بہت باصلاحیت اداکارہ ہیں اور ان میں خود
اعتمادی کوٹ کوٹ کر بھری ہے۔۔۔لیکن شرمین کے لئے اس انڈسٹری میں آنا بالکل
آسان نہیں تھا۔۔۔انہیں پورے خاندان کی مخالفت مول لینی پڑی۔۔۔ اگر ان کی
بہن کا ساتھ نا ہوتا تو شاید وہ بالکل ہی تنہا ہوجاتیں۔۔۔لیکن پھر انہوں نے
ثابت کیا کہ یہ فیصلہ کتنا صحیح تھا۔۔۔ |
|
|
| |
| مایا علی |
| اداکارہ مایا علی کو اپنے والد کی طرف سے سخت مخالفت کا
سامنا تھا۔۔۔انہوں نے پہلے پروڈکشن میں نوکری کی اور انٹرنشپ کی۔۔۔لیکن
والد کو تو وہ بھی پسند نہیں تھا۔۔۔ایک عرصہ تک مایا علی نے اپنی ضد پر کام
جاری رکھا اور والد سے ان کی بات چیت بند رہی۔۔۔ یہ وقت آسان نہیں تھا لیکن
پھر ایک وقت ایسا آیا جب ان کے والد کو خود ان کے ڈرامے کا انتظار رہتا تھا۔۔۔ |
|
|
| |
| حسن نیازی |
| بیشتر ڈراموں میں اپنی صلاحیت کا لوہا منوانے والے حسن
نیازی نے جب انڈسٹری میں قدم رکھا تو پورا خاندان اور گھر والے ان کے خلاف
ہوگئے۔۔۔سب نے انہیں کہا کہ لوگ کیا کہیں گے۔۔۔لیکن حسن نے جواب دیا کہ جن
کو میرے ٹی وی میں آنے سے مسئلہ ہے تو وہ اپنے گھر سے کیبل ہٹا دیں۔۔۔پھر
میں چھوڑوں گا شوبز۔۔۔یعنی جس کام کو گھر میں دیکھنا نہیں چھوڑتے تو وہاں
کام کرنے میں کیوں مسئلہ ہے۔۔۔ |
|
|
| |
| سعود |
| سعود کا تعلق ایک مذہبی گھرانے سے تھا۔۔۔ان کے گھر نعت
خوانی پر زور دیا جاتا تھا لیکن سعود کا دھیان اداکاری کی جانب تھا۔۔۔یہ
فیصلہ جب انہوں نے سنایا گھر میں تو بہت شدید مذمت کی گئی لیکن پھر سعود نے
فلم انڈسٹری کا رخ کیا۔۔۔سعود کے اس فیصلے سے گھر والے بالکل خوش نہیں تھے
لیکن وقت کے ساتھ ساتھ معاملات بہتر ہوئے۔۔۔اب سعود زیادہ تر کام پروڈکشن
میں ہی کرتے ہیں۔۔۔ |
|
|