|
|
| |
| کہتے ہیں جب گھر میں کسی نئے شخص کا اضافہ ہو تو اس سے
جڑی خوشیاں اور پیار بھی گھر میں داخل ہوجاتا ہے۔۔۔ حالات چاہے بہت مشکل
اور پریشان کن صحیح لیکن ایک نئی زندگی کی پیدائش ان حالات میں نئے رنگ بھر
دیتی ہے اور امید کے دروازے کھول دیتی ہے۔۔۔شوبز ستاروں کے گھر کرونا کی اس
وبا کے دوران بھی خوشیوں نے دروازے کھٹکھٹائے۔۔۔ |
| |
| اقراء اور یاسر |
| ننھے کبیر نے دنیا میں اپنی آنکھ کھولی تو ہر طرف
بیماری اور وبا کا شور تھا لیکن یہ ننھا وجود ایک ایسے شوبز گھرانے میں
پیدا ہوا جہاں اس کی پیدائش کا شدت سے انتظار تھا اور انڈسٹری کے دو بڑے
ناموں نے اپنے گھر کے آنگن میں اسکے نام سے پھول لگائے تھے۔۔۔ اقراء اور
یاسر حسین کے گھر کی خوشی نے نا صرف ان کو بلکہ ان کے چاہنے والوں کو بھی
مسکراہٹ اور خوشیاں دیں۔۔۔ |
|
|
| |
| ثانیہ شمشاد |
| اداکارہ ثانیہ شمشاد شادی کے بعد اسکرین سے غائب
ضرور ہوئیں لیکن وقتاً فوقتاً ان کی زندگی کی جھلکیاں سامنے آتی رہیں۔۔۔ یہ
بھی اندازہ تھا کہ ان کے گھر خوشی کی خبر اپنے پر کھولے بیٹھی ہے ۔۔۔مگر اس
بات سے بے خبر تھے کہ ثانیہ کے گھر کی خوشی عید کے دن کو ہی دو بالا کردے
گی۔۔۔ثانیہ کے گھر بیٹے کی پیدائش نے عید کو مزید پرمسرت بنا دیا۔۔۔ |
|
|
| |
| سعدیہ غفار اور حسن حیات |
| سعدیہ غفار کو اسکرین پر ہمیشہ بہت پسند کیا جاتا رہا
اور لوگ ان کی اداکاری کے فین ہیں۔۔۔ان کی شادی اداکار حسن حیات سے ہوئی
اور کرونا کے دنوں میں ہی یہ شادی ہوئی اور کرونا کی اس وبا کے دوران ہی ان
کے گھر خوشی رحمت بن کر داخل ہوئی جب ننھی ریا خان نے زندگی میں قدم رکھا۔۔
سعدیہ اور حسن کو لگتا ہے کہ زندگی میں رنگ ان کی بیٹی کے دم سے ہی مزید
حسین ہوئے ہیں۔۔۔ |
|
|