|
|
| |
| انسان کہیں نا کہیں یہ موقع دے ہی دیتا ہے جب اس
پر تنقید کی جا سکے۔۔۔پھر جب بات ہو شوبز ستاروں کی تو وہ تو یہ موقع کبھی
ہاتھ سے جانے نہیں دیتے۔۔۔حال ہی میں کچھ ایسے واقعات ہوئے جس پر شوبز کے
کچھ ناموں نے ایک دوسرے کو چھوڑا نہیں بلکہ سوشل میڈیٰا کے سہارے آڑے
ہاتھوں لیا۔۔۔ |
| |
| فیضان شیخ کا جواب آمنہ
الیاس کے نام |
| اداکارہ پروین اکبر کے بیٹے فیضان شیخ نے بہت کم عرصے
میں بہترین کام کرکے اپنا نام بنایا اور اب اداکاری کے ساتھ ساتھ شو کی
میزبانی بھی کر رہے ہیں۔۔۔ انہوں نے آمنہ الیاس کی ایک ویڈیو کو سخت تنقید
کا نشانہ بنایا جس میں آمنہ نے کسی کے سر پر سیب رکھ کر اس کا اپنے جوتے سے
نشانہ لیا اور سیب کی جگہ سر پر ہی لات مار دی۔۔۔ فیضان شیخ نے انہیں احساس
دلایا کہ کھانے کی چیز کو جوتے سے مارنا سمجھ نہیں آیا۔۔۔کیونکہ یہ سیب جسے
آپ نے جوتا مارنے کی کوشش کی اس کا ذائقہ اس ملک میں بہت سارے لوگوں کو پتہ
بھی نہیں کیونکہ وہ یہ کھانے کی طاقت اور حیثیت نہیں رکھتے۔۔۔ ان کے اس
پوسٹ پر متیرا نے بھی لکھا کہ یہ حرکت میری بھی سمجھ سے باہر ہے اور اس طرح
کی ویڈیو بہت ڈسٹربنگ تھی ۔۔۔ |
|
|
| |
| نادیہ حسین کا جواب
ابرار الحق کے نام |
| ماڈل اور اداکارہ نادیہ حسین آج کل سوشل میڈیا کے مختلف
پلیٹ فارم پر اپنی موجودگی کا احساس دلاتی رہتی ہیں اور حال ہی میں انہوں
نے ابرار الحق کے ایک مذاق پر انہیں آڑے ہاتھوں لیا۔۔۔ اس ویڈیو میں ابرار
الحق نے پرانی ماؤں کا مقابلہ آج کی ماؤں سے کیا جہاں ان کا ماننا تھا کہ
پہلے کی مائیں بچے کو سلانے کے لئے کلمے سناتی تھیں اور آج کی مائیں
نظمیں۔۔۔نادیہ حسین نے انہیں جواب دیاکہ اگر آپ کی والدہ نے یہ سب سنایا
تھا تو پھر ماں کی گود سے نچ پنجابن اور بلو کے گھر کا سفر کیسے رہا۔۔۔
انہیں ابرار الحق کے فینز نے کہا کہ وہ نعتیں بھی پڑھتے ہیں جس کا جواب
نادیہ نے دیا کہ وہ آج کل کی ماؤں پر کیوں تنقید کر رہے ہیں جبکہ نعتوں کے
علاوہ انہوں نے گانے بھی گائے ہیں۔۔۔ |
|
|
| |
| زرنش کا نادیہ حسین کو
جواب |
| اداکارہ زرنش یوں تو کم ہی بولتی ہیں لیکن انہوں نے
نادیہ حسین کی تنقید پر کہا کہ ہر بات پر تنقید ضروری نہیں۔۔۔اور اگر کوئی
اچھی بات بتا رہا ہے تو اسے سن لیں بجائے اس پر آگے سے تنقید ہی شروع کردیں۔۔۔ |
|
|