|
|
| |
| ماں ایک ایسی ہستی ہے جس میں پوری کائنات بستی ہے ۔۔۔اولاد
کے لئے تو ہر قدم پر ماں کا ہونا ایک سہارے کی مانند ہے۔۔۔ شوبز میں کام
کرنے والی ایسی کچھ بیٹیاں ہیں جنہوں نے بہت جلدی اپنی ماں کو کھو دیا اور
اب جب بھی کوئی خوشی یا غم ان کی زندگی میں آتا ہے تو ماں کے نا ہونے کا
احساس پہلے سے زیادہ بڑھ جاتا ہے |
| |
| سارہ خان |
| یوں تو سارہ خان دکھاتی نہیں لیکن جیسے جیسے ان کی زندگی
کی سب سے بڑی خوشی نزدیک آرہی ہے ،ماں کے نا ہونے کا احساس ان کو تڑپا رہا
ہے۔۔۔ ان کے شوہر اور بہنیں ان کے لئے ایک ڈھال کی مانند ہیں۔۔۔ محبت کی
بارشیں ان پر ہر وقت برس رہی ہیں لیکن وہ چاہے شاپنگ کریں یا اپنے اندر
موجود تبدیلی کو محسوس کریں۔۔۔انہیں یہ احساس تکلیف دیتا ہے کہ وہ جس درجے
پر پہنچنے جا رہی ہیں، اصل میں وہ اپنی زندگی کی اس اصل نعمت سے محروم ہو
چکی ہیں |
|
|
| |
| صبور |
| صبور نے بہت وقت ماں کے ساتھ گزارا اور جب وہ بیمار
ہوئیں تو اس وقت بھی ان کے نزدیک صبور ہی تھی۔۔۔ ایک عرصہ تک بھائی کے لئے
بھی اکیلے ہی حاضر رہی صبور کیونکہ سجل کی شادی کے بعد یہ ذمہ داری بھی
اکیلے ہی اٹھائی۔۔۔اب جبکہ صبور کی زندگی میں ایک محبت سے بھری خوشی آئی تو
وہ ماں نہیں تھی جس سے ہر دکھ سکھ کہہ کر دل کا بوجھ ہلکا کر لیتی تھیں۔۔۔
یوں تو ان کے پاس دوستوں ، بہن، بھائی اور اپنوں کا خزانہ ہے لیکن ماں کی
کمی کوئی پوری نہیں کر سکتا |
|
|
| |
| تحریم زبیری |
| تحریم کی والدہ کو دنیا سے گئے کافی سال ہوچکے ہیں
لیکن وہ آج تک اس ایک لمحہ میں قید ہیں جب ان کی ماں انہیں چھوڑ کر جا رہی
تھیں۔۔۔ تحریم کا کہنا ہے کہ زندگی میں بہت سارے ایسے لمحے ہوتے ہیں جب وہ
سوچتی ہیں کہ کاش امی ہوتیں۔۔۔ ان کی والدہ اور ان کے درمیان ایک ایسا رشتہ
تھا جو جانے کے بعد بھی ختم نہیں ہوپایا۔۔ اپنے بچوں کی کامیابی سے لے کر
اپنی زندگی میں ہونے والی خوشی یا تکلیف تحریم کو بار بار ماں کے نا ہونے
کا احساس دلاتی ہے |
|
|