|
|
| |
| ٹک ٹاک ویڈیوز نے جس طرح سوشل میڈیا کو اپنی لپیٹ میں لے
رکھا ہے اس کا اثر ہمارے ڈراموں پر بھی پڑ رہا ہے اور اس حوالے سے ایسے
ڈرامے بنائے جارہے ہیں جن میں ٹک ٹاک ویڈیو بنانے والی لڑکیوں کی کہانی کو
بیان کیا جاتا ہے اور اسکے مختلف پہلو اجاگر کروائے جاتے ہیں- |
| |
| مگر ناظرین کی توجہ ڈرامے میں مبذول کروانے کے لیے ڈرامے
میں ایسی چیزیں شامل کی جارہی ہیں جو کہ حقیقت سے بہت دور ہوتی ہیں۔ ایسا
ہی ایک ڈرامہ حالیہ دنوں میں آن ائير جارہا ہے ڈرامہ لاپتہ جس کے مرکزی
کرداروں میں عائزہ خان، سارہ خان، علی رحمان اور گوہر رشید نظر آرہے ہیں۔ |
| |
| ڈرامے میں عائزہ خان نے بطور ٹک ٹاکر گیتی کا کردار ادا
کیا ہے۔ ڈرامے کے اندر گیتی کے کردار میں انہوں نے مختلف گیٹ اپ بھی اختیار
کیے جس کی وجہ سے اس ڈرامے کا انتظار ناظرین کو اس کے آن ائیر ہونے سے پہلے
ہی شروع ہو گیا تھا- مگر اب ڈرامے کی کہانی جیسے جیسے بڑھتی جا رہی ہے اس
میں ہونے والے واقعات نے بہت سارے سوال اٹھا دیئے ہیں- |
|
|
|
|
| |
| گیتی کا لڑکے کو بھاگ کر
شادی کرنے کا مشورہ |
| اس ڈرامے میں گیتی کے کردار کو دیکھ کر یوں محسوس ہو رہا
ہے کہ مصنف کے نزدیک ٹک ٹاک بنانے والی لڑکیوں کے لیے سب کچھ جائز ہوتا ہے-
ایسا ہی کچھ گیتی کا کردار دکھایا گیا ہے جو کہ ٹک ٹاک بناتے بناتے بناتے
شادی کے لیے اتنی بے صبری ہو گئی کہ محلے کے ایک گھر میں جا کر لڑکے کو
بھاگ کر شادی کرنے کےلیے اکساتی نظر آئیں۔ |
| |
|
بات یہاں تک ہی ختم نہیں ہوئی بلکہ سوٹ کیس لے کر اسٹیشن بھی جا پہنچیں
تاکہ نئے شہر جا کر ازدواجی زندگی شروع کی جا سکے مگر دوسری طرف لڑکے کی
بہن بھی گھر سے بھاگ جاتی ہے اس وجہ سے وہ گیتی کو اسٹیشن پر تنہا چھوڑ کر
واپس اپنے گھر چلا جاتا ہے- |
|
|
|
کیا یہ سب کچھ ہمارے معاشرے کی عکاسی ہے ؟ جہاں لڑکیاں اس طرح گھر سے بھاگ
کر شادی کر رہی ہیں |
|
|
|
ماں کے زيورات چوری کر کے بیچ دینا |
|
اس کے بعد گیتی سامان سمیت واپس گھر آجاتی ہیں اور اپنی ماں کو بے وقوف بنا
دیتی ہیں کہ یہ سامان دوست کو دکھانے لے کر گئی تھی اور ماں اس پر یقین کر
لیتی ہے کیا جوان بیٹیوں کی مائيں ایسی بھی ہوتی ہیں؟ |
|
|
|
شادی کا شوق گیتی کو اس حد تک مجبور کر دیتا ہے کہ وہ اپنی دوست کے منگیتر
کو بھی اس بات پر مجبور کر دیتی ہے کہ وہ اپنی منگیتر کو چھوڑ کر اس سے
شادی کر لے اور اس کے لیے وہ اس کے ساتھ سارا دن گھومتی پھرتی ہے۔ شادی کے
کارڈ پسند کرتی ہے یہاں تک کہ اپنی ماں کا سارا زیور بیچ کر پیسے بھی اس
لڑکے کو تھما دیتی ہے- |
|
|
|
|
|
|
|
کورٹ میرج کے لیے تیاری کرنا |
|
فرحان نامی لڑکے کو سارے پیسے اور زيورات دینے کے بعد گیتی اس بات کی تیاری
کر رہی ہوتی ہے کہ اس لڑکے کے ساتھ کورٹ میرج کر لے گی اس کے ساتھ ساتھ یہ
پیغام بھی اسی ڈرامے کے حوالے سے دیا جا رہا ہے کہ ماں باپ کورٹ میرج کے
بعد خود ہی راضی ہو جاتے ہیں- اس وجہ سے لڑکیوں کو کورٹ میرج کر لینی چاہیے- |
|
|
|
لڑکے کو رشتہ بھیجنے پر اکسانا |
|
حالیہ قسم میں عائزہ خان کا ایک لڑکے کو اس طرح کہنا کہ شادی کے لیے تیار
ہو جاؤ یا پھر میں تم کو بھگا کر لے جاؤں- جس پر اس لڑکے کا مجبوراً اس کے
لیے رشتہ بھیجنا یہ سب ایسے واقعات ہیں جو اس ڈرامے میں گیتی کے کردار میں
عائزہ خان اپنی اوورایکٹنگ کرتے ہوئے نبھا رہی ہیں- |
|
|
|
عام طور پر ڈرامے معاشرے کی ذہن سازی کا ایک اہم ذریعہ ہوتے ہیں اس کے
ذریعے کم عمر لڑکیوں کو جو پیغام دیا جا رہا ہے اس نے پیمرا کے کردار پر
سوال اٹھا دیے ہیں۔ اس قسم کی کہانیاں معاشرے میں مزید بگاڑ کا باعث بن رہے
ہیں لہٰذا اس حوالے سے اس قسم کے ڈراموں پر پابندی لگانا ضروری ہے- |