|
|
| |
| شادی زندگی بھر کا فیصلہ ہے۔۔۔کچھ لوگ اس فیصلہ کے لئے
لمحہ بھر میں تیار ہوجاتے ہیں اور کچھ خود کو اس اہم راستے پر چلنے کے لئے
تیار کرتے ہیں اور بہت وقت لیتے ہیں۔۔۔جو لوگ وقت لیتے ہیں اس کے پیچھے
کبھی کبھی کچھ خوف، کچھ ذمہ داریاں اور کبھی خود اپنا اطمینان چھپا ہوتا ہے۔۔۔۔جس
میں کوئی حرج تو نظر نہیں آتا۔۔۔لیکن پھر وہ کہیں نا کہیں اس کا تذکرہ ضرور
کرتے ہیں۔۔۔ |
|
|
|
ریما خان |
|
ریما خان انڈسٹری کے ان ناموں میں سے ہیں جنہوں نے نا صرف اپنے کام
سے اپنی پہچان بنائی بلکہ اپنی گرومنگ کے ذریعے سب کو ہی حیران کیا۔۔۔ ریما
خان نے لالی وڈ کی سب اداکاراؤں میں گریس کے حوالے سے خود کو ممتاز رکھا۔۔۔
یہ بھی ایک حقیقت ہے کہ وہ یہاں اپنے گھر کو سپورٹ کرنے کی غرض سے آئی تھیں
اور انہوں نے اپنی محنت سے چھوٹی بہنوں کو بہت اعلیٰ تعلیم دلوا کر ان کی
اچھے گھروں میں شادیاں کیں۔۔۔ لیکن جب ان کی باری آئی تو وہ نہیں مان رہی
تھیں۔۔۔ انہیں لگتا تھا کہ ذمہ داریاں ابھی ختم نہیں ہوئیں۔۔۔ یہاں ان کے
والد نے زور دیا کہ ایک اچھے رشتے کو انتظار کروانا بالکل عقلمندی
نہیں۔۔۔اور یوں ریما نے اس شادی کے لئے ہاں کی۔۔۔ |
|
|
| |
| ثمینہ احمد |
| زندگی میں بہت سارے مصائب اور پریشانیاں دیکھنے کے
باوجود ہمت کے ساتھ تنہا بچوں کی پرورش کرنے والی ثمینہ احمد کو بھی بہت
لوگوں نے شادی کا کہا لیکن انہوں نے کبھی ہاں نہیں کی۔۔۔ زندگی میں منظر
صہبائی جب آئے تو عمر ساٹھ کو کراس کر چکی تھی۔۔۔ لیکن انہیں لگتا تھا کہ
اب یہ وقت نہیں شادی کا۔۔۔ دوستوں کے اصرار پر اور منظر صہبائی کی
ایماندارانہ محبت کو پرکھنے کے بعد ہی ثمینہ احمد نے شادی کے لئے ہاں کی
اور یہ شادی بہت سارے لوگوں کے لئے مثال ہے- |
|
|
| |
| شائستہ لودھی |
| ڈاکٹر شائستہ لودھی نے زندگی میں ایک بار بڑا فیصلہ لیا
اور اپنی زندگی کو نئے سرے سے شروع کیا پہلی شادی کو ختم کرکے۔۔۔ لیکن یہ
سفر آسان نہیں تھا ۔۔۔ان کے تینوں بچے بڑے ہو رہے تھے اور ذمہ داریاں ان کے
ساتھ ساتھ اپنے قدم بڑھا رہی تھیں۔۔۔ڈاکٹر شائستہ شوبز کی ان خواتین میں سے
نہیں تھیں جو شوبز کی چکا چوند میں خود کو گم کر لیتی ہیں اور اپنے اطوار
بدل لیتی ہیں۔۔۔ انہوں نے صبر اور شکر سے اپنا ہر مشکل وقت گزارا۔۔۔کزن سے
شادی کرنا ایک مشکل فیصلہ تھا۔۔۔ کیونکہ وہ ایک ماں کی حیثیت سے بھی سوچتی
تھیں۔۔۔ انہوں نے بہت وقت لیا اس فیصلے کو لینے میں اور ان کے دوسرے شوہر
نے ثابت کیا کہ وہ ایک بہترین انسان اور بہترین چوائس ہیں۔۔۔ |
|
|