|
|
| |
| اولاد ماں باپ کے دل کی دھڑکن ہوتی ہے ۔۔۔جہاں اس دھڑکن
کو ذرا سی بھی آنچ پہنچتی ہے تو ماں باپ جینا ہی بھول جاتے ہیں۔۔۔شوبز کے
اکثر ستارے اپنی اولاد کی موت کے بعد دنیا سے ہی منہ موڑ گئے۔۔۔ |
| |
| سنبل شاہد |
| اداکارہ سنبل شاہد اپنی سب بہنوں میں سب سے زیادہ
شرارتی اور ہنس مکھ تھیں۔۔۔شوبز انڈسٹری میں یوں تو انہوں نے کام کم کیا
لیکن جب بھی کیا تو دل سے کیا۔۔۔ ان کی آواز بھی بہت اچھی تھی۔۔۔ وہ ہر
لمحہ مسکراتی تھیں۔۔۔ لیکن زندگی کی ایک شام نے انہیں مسکرانا تو کیا زندگی
کا مطلب ہی بھول جانے پر مجبور کردیا۔۔۔ اپنے سب سے بڑے جواں سالہ بیٹے کی
حادثاتی موت نے انہیں توڑ کر رکھ دیا۔۔۔ ان کا امیون سسٹم جیسے تباہ ہونے
لگا۔۔۔ کورونا کے بعد انہوں نے جینے کا حوصلہ ہی چھوڑ دیا۔۔۔ وہ لڑ رہی
تھیں جینے کے لئے لیکن ہمت کھو چکی تھیں۔۔۔ اور بالآخر بیٹے کی موت کے دو
سال میں ہی وہ بھی اس کے پاس چلی گئیں۔ |
|
|
| |
| عمر شریف |
| شہنشاہ ظرافت عمر شریف حال ہی میں انتقال کر گئے۔۔۔
بظاہر یہ ایک ستارے کی موت ہے لیکن در حقیقت یہ ایک باپ کی موت ہے۔۔۔اپنی
جواں سالہ لاڈلی بیٹی کی موت نے انہیں توڑ دیا تھا۔۔۔وہ امریکہ میں تھے جب
انہیں پتہ چلا تھا کہ بیٹی وینٹیلیٹر پر پہنچ گئی ہے۔۔۔ لیکن جب وہ جہاز
میں تھے تب ہی بیٹی دنیا سے چلی گئی۔۔۔ وہ سارے راستے چکراتے رہے۔۔۔ ان کا
کہنا تھا کہ وہ چکر آج تک ان کی زندگی کا حصہ بن گئے تھے۔۔۔کچھ عرصہ ہی جی
پائے وہ اس دکھ کے ساتھ اور پھر جہان فانی سے کوچ کر گئے۔ |
|
|
| |
| جمیل فخری |
| ایک انتہائی شاندار شخصیت کے مالک جمیل فخری کو جوان
بیٹے کے غم میں ڈھلتا ہوا دیکھا گیا۔۔۔ انہیں جب یہ اطلاع ملی کہ ملک سے
باہر ان کے سب سے لاڈلے بچے کو کسی نے بری طرح قتل کردیا ہے تو انہیں کسی
پل چین نا آتا تھا۔۔۔وہ اتنا تڑپتے تھے کہ دیکھنے والا بھی بے چین ہوجاتا۔۔۔
اور اسی بے چینی میں وہ دنیا سے چلے گئے۔ |
|
|
| |
| طلعت اقبال |
| اداکار طلعت اقبال کو جب بھی سب نے دیکھا ہمیشہ مسکراتے
دیکھا۔۔۔ اپنی بیوی کی موت کے بعد تینوں بچوں کو مسکراتے ہوئے پالا اور ملک
سے باہر لے گئے تاکہ چھوٹی بیٹی کا علاج ممکن ہو۔۔۔ لیکن کچھ عرصہ قبل ان
کی بیٹی بھی اس دنیا سے چلی گئی۔۔۔ سب کو لگا کہ شاید طلعت اقبال اس درد کو
سہہ جائیں گے لیکن وہ کچھ دن بھی یہ تکلیف برداشت نا کرپائے اور بیٹی کے
پاس ہی چکے گئے۔ |
|
|
|
|