میں نے اپنے پسندیدہ ترین شہر میں نمازِ فجر ادا کی۔۔۔۔ مسجدِ نبوی میں اسلام قبول کرنے والا یہ شخص برطانیہ کی کونسی اہم ترین شخصیت ہے اور یہ سعودی عرب میں کیا کر رہے تھے

اسلام دین حق ہے یہی وجہ ہے کہ دیگر تمام مذاہب کے مقابلے میں اس وقت دنیا میں سب سے زیادہ تیزی سے پھیلنے والا مذہب ہے جس میں ہر مذہب اور ہر قوم کے لوگ داخل ہو رہے ہیں۔ اسلامی تعلیمات دنیا کی وہ واحد تعلیمات ہیں جن کی بنا پر اللہ کی بارگاہ میں ہر رنگ و نسل کے فرد کو صرف تقویٰ کی بنا پر فضیلت حاصل ہے-

ویسے تو دنیا کے ہر حصے کے لوگ دائرہ اسلام میں داخل ہو کر اپنی عاقبت کو سنوار رہے ہیں مگر کچھ افراد ایسے بھی ہیں جن کا دائرہ اسلام میں داخل ہونا دنیا کے ہر مسلمان کے لیے ایک بڑی خبر بن جاتی ہے- ایسے ہی ایک فرد سعودی عرب میں برطانوی سفارتخانے سے منسلک برطانوی کونسل جرنل ہیں جنہوں نے سوشل میڈیا پر اپنے ٹوئٹر اکاونٹ سے مسجد نبوی کے سامنے اپنی ایک تصویر شئیر کی- جس میں انہوں نے نہ صرف اسلام قبول کرنے کا اعلان کیا بلکہ اپنا نام بھی سیف عشر رکھنے کی اطلاع دی اور اپنے ٹوئٹر اکاونٹ کو بھی اسی نام سے تبدیل کر لیا-

ان کی سوشل میڈیا پر شئير کی جانے والی خبر تیزی سے وائرل ہو گئی اور ان کو دنیا بھر کے مسلمانوں کی جانب سے مبارکباد کے پیغام وصول ہوئے- خاص طور پر سابقہ پاپ اسٹار متاع واسن جو کہ نپولین کے نام سے جانے جاتے ہیں ان کے پیغام کا سیف عشرنے خصوصی طور پر شکریہ ادا کرتے ہوئے تمام مسلم امہ کا بھی شکریہ ادا کیا جنہوں نے ان کو اتنی محبت سے نوازہ-

@MutahNapoleon 🙏💚🇬🇧🇸🇦 pic.twitter.com/edzwrzrD6w
— Seif Usher سيف اشر (@seifusher) November 10, 2021

نپولین جو کہ سابقہ پاپ اسٹار تھے دو سال قبل اسلام کی نعمت سے سرفراز ہوئے اور اس وقت انہوں نے اپنی زندگی دین کے لیے وقف کر دی ہے اور بطور موٹی ویشنل اسپیکر کے طور پر کام کر رہے ہیں-

سیف عشر نے مسجد نبوی میں تصویر شئیر کرتے ہوئے کیپشن میں یہ بھی لکھا کہ اپنے پسندیدہ ترین شہر میں نماز فجر کی ادائیگی کے بعد کی یہ تصویر ہے سیف عشر کی یہ تصویر سوشل میڈیا پر لوگ تیزی سے شئیر کر رہے ہیں-

یاد رہے کہ سیف عشر برطانوی سفارت خانے کے پہلے کونسل جرنل نہیں ہیں جنہوں نے اسلام قبول کیا ان سے قبل 2015 میں سائمن کولس نے بھی سعودی عرب ہی میں نہ صرف اسلام کیا تھا بلکہ انہوں نے ایک مسلمان عورت سے اس کے بعد شادی بھی کی تھی اور سال 2016 میں حج کی سعادت بھی حاصل کی تھی-

سائمن کولس کا یہ بھی کہنا تھا کہ انہوں نے اسلامی معاشرے کا 30 سال تک بہت قریب سے مطالعہ کیا اور اس کے بعد انہوں نے اسلام قبول کرنے کا فیصلہ کیا اور اب سیف عشر نے بھی انہی کے نقش قدم پر چلتے ہوئے اسلام قبول کرنے کا اعلان کیا ہے اللہ ان کی کوششوں کو قبول فرمائے آمین-

< Previous حج کا رکن اعظم: یوم عرفہ NEXT > بھارت میں حجاب کے بڑھتے تنازعات، جانیے مختلف مذاہب میں پردے کی کیا اہمیت ہے؟