|
|
| |
| شہرت کی چکا چوند ہو تو دل چاہتا ہے کہ اسے کھویا نا
جائے اور ہر بار کپڑوں کے انداز یا دکھنے کے انداز سے ایک نئی طرح کا امیج
قائم کیا جائے۔۔۔خاص طور پر جب ایسا کرنے کے لئے پیسہ اور زیورات کی کوئی
کمی نا ہو۔۔۔ لیکن شوبز کی کچھ مشہور شخصیات ایسی ہیں جنہیں اس بات سے ہرگز
کوئی فرق نہیں پڑتا کہ وہ ایک جوڑا پہلے پہنچ کی ہیں اور دوبارہ اسے نا
پہنیں۔۔۔ |
| |
| مہرالنساء |
| مریم نواز کی بیٹی مہرالنساء نے اپنے بھائی کی شادی پر
سب کے دل جیت لئے۔۔۔ مہرالنساء نے ہر دن اپنی ہی شادی کے کپڑوں کو نئے
انداز سے پہنا اور جیولری تک وہی استعمال کی۔۔۔سب ہی جانتے ہیں کہ وہ بڑے
آرام سے لاکھوں کے کپڑے اور جیولری بنا سکتی تھی لیکن اس نے خود کو ایک عام
اردو اسپیکنگ سوچ کے ساتھ پیش کیا جہاں عام بات ہے اپنے کپڑوں کو کسی اور
کی شادی میں پہننا۔۔۔مہندی، شادی اور ولیمے تک میں مہر النساء نے وہی کپڑے
دہرائے اور سوشل میڈیا نے اس خبر کو بہت مثبت انداز میں دکھایا۔۔۔ |
|
|
| |
| شائستہ لودھی |
| ڈاکٹر شائستہ لودھی آج کل ایک مارننگ شو کی
میزبانی کررہی ہیں ۔۔۔وہ اس میں میزبان ہیں اور یہ شو پی ٹی وی کے پلیٹ
فارم سے پیش کیا جاتا ہے... ڈاکٹر شائستہ نے اس شو میں اپنے کپڑوں کو ایک
سے زائد بار پہنا اور ان کا کہنا تھا کہ ہم ڈیزائنر کو پہلے ہی بتا دیتے
ہیں کہ یہ جوڑا دوبارہ بھی پہنا جائے گا۔۔۔ اور اگر وہ یہ نا پہنیں تو وہ
اپنے اسٹاف کو دینا مناسب سمجھتی ہیں۔۔۔ |
|
|
| |
| بشریٰ انصاری |
| پچھلے دنوں بشریٰ انصاری نے ایک شو میں مہمان کی حیثیت
سے آنا تھا تو وہ عمر سعید کا بنایا ہوا جوڑا ہی پہن گئیں۔۔۔یہ جوڑا وہ اس
سے پہلے نا صرف گھر میں بلکہ مختلف ایونٹس میں پہن چکی تھیں۔۔۔ ان کا کہنا
تھا کہ یہ میرا پسندیدہ جوڑا ہے اور میں اسے کبھی ضائع نہیں کرتی۔۔۔اگر
سوچا کہ اب نہیں پہنوں تو سب سے پہلے اسماء عباس ہی آجائے گی۔۔۔ |
|
|