|
|
| |
| پاکستانی ڈرامے مختلف موضوعات اور بہترین اداکاری کے سبب
دنیا بھر میں بہت مقبولیت حاصل کرتے ہیں۔ کسی بھی وقت کے لیے مشہور ڈرامہ
اور اس کے کردار عوام کے دل کے بہت قریب ہوتے ہیں اور اس کے بعد دوسرے
ڈرامے کے سامنے آنے کے بعد اس کے کردار نشے کی طرح عوام میں مقبولیت حاصل
کر لیتے ہیں- |
| |
| لیکن ایسا بہت کم ہی ہوتا ہے کہ ماضی کے کسی ڈرامے کے
مقبول کردار کے ساتھ عوام نئے کردار کا موازنہ کروائيں اور ایک بار پھر
پرانا کردار اس طرح سے زںدہ ہو جائے مگر حالیہ دور میں ایسی ہی کچھ صورتحال
کا سامنا کرنا پڑ رہا ہے- |
| |
| دانش اور پری زاد کے
کردار کا عوام میں موازنہ |
| اس وقت ڈرامہ پری زاد عوام میں بہت مقبول ہو رہا ہے اور
جب ڈرامہ اپنے اختتام کی طرف بڑھ رہا ہے تو اس کی مقبولیت بھی اپنے عروج پر
ہے- مردوں کی کہانی پر بنایا گیا یہ ڈرامہ ماضی کے ڈرامے میرے پاس تم ہو
جیسی مقبولیت اور شہرت حاصل کر رہا ہے- اس وجہ سے اس ڈرامے کی آخری قسط کو
بھی اس کو ڈائيریکٹر نے سینما کی بڑی اسکرین پر پیش کرنے کا اعلان کیا ہے- |
| |
| جس وجہ سے عوام میں ڈرامہ میرے پاس تم ہو کی یاد تازہ ہو
گئی ہے اور عوام نے ٹوئٹر پر دانش اور پری زاد کے کرداروں کا موازنہ کروانا
شروع کر دیا ہے اور اس کے لیے عوام کی جانب سے جو وجوہات بیان کی جارہی ہیں
وہ کچھ اس طرح سے ہیں- |
|
|
|
|
| |
| دونوں ابتدائی حصے میں
غریب اور ناکام تھے |
| ناظرین کے مطابق میرے پاس تم ہو میں بھی دانش کا کردار
ایک ایسے انسان کا تھا جواپنی بیوی اور دنیا کی نظر میں ایک غریب اور ناکام
افراد تھے جب کہ اپنی نظر میں دونوں ہی مطمئين تھے- لیکن دنیا کی نظر میں
ان کو سخت ترین طعنوں اور تنقید کا سامنا کرنا پڑا تھا - |
| |
| دونوں ہی اچانک امیر ہو
گئے |
| حالات نے ان دونوں کو اس بات کا احساس دلایا کہ دنیا میں
کامیاب ہونے کے لیے پیسہ سب سے بڑی ضرورت ہے- اس وجہ سے یہ دونوں ہی اچانک
بہت امیر ہو گئے اور دنیا میں ناکامی کے لیبل کو انہوں نے اپنے پیسے سے
مٹایا- بہترین گاڑی، گھر اور لباس ان دونوں کو پیسے کے سبب ملا اور دنیا کی
نظر میں یک دم ناکام سے کامیاب قرار پائے- |
| |
| محبت کے معاملے
میں بدقسمت رہے |
| محبت کے معاملے میں دونوں ہی بدقسمتی کا شکار
نظر آئے محبت کے حصول کے لیے کی جانے والی ان کی ہر کوشش ناکامی سے دو چار
رہی اور زندگی بھر یہ دونوں محبت کے حصول کے لیے بھٹکتے رہے مگر ان کو محبت
آخر تک نہ ملی- |
| |
|
|
| |
| دانش کی طرح
کیا پری زاد بھی مر جائے گا |
| ڈرامہ میرے پاس تم ہو کی آخری قسم اس حوالے سے
بہت شاکنگ تھی کہ اس میں آخری قسط میں عوام کا پسندیدہ ترین کردار دانش مر
گیا تھا- اب پری زاد کے حوالے سے سب لوگ یہی اندازے لگا رہے ہیں کہ اس کے
رائٹر ہاشم ندیم اپنے ہر ڈرامے کے آخر میں اس کے ہیرو کو مار دیتے ہیں تو
ایسا ہی کچھ پری زاد میں بھی ہونے والا ہے- مگر ابھی یہ سسپنس ہے اور جب تک
پری زاد کی آخری قسط سامنے نہیں آتی ہے عوام اندازے ہی لگاتے رہیں گے- |
| |
| کیا آپ کی نظر میں بھی پری زاد اور دانش کے
کردار میں یکسانیت پائی جاتی ہے؟ اپنے جوابات کمنٹ میں ضرور بتائيں |