میرا جی سے ہر بار ملنے کے بعد لگتا ہے جیسے پہلی بار ملے، نادیہ خان پہلے بھی کس طرح خاص انداز میں دوسروں کے بارے میں بات کرتی رہی ہیں جانیں

حالیہ دنوں میں نادیہ خان سوشل میڈیا پر بہت ان ہیں اور اس بار ان کی شہرت کا سبب نہ تو ان کا مارننگ شو ہے اور نہ ہی ان کی شادی کی وجہ سے صارفین ان کے بارے میں بات کر رہے ہیں بلکہ ان کی شہرت کا سبب ان کی بنائی گئی ایک ویڈيو ہے جو انہوں نے صبور علی اور علی انصاری کی شادی کے موقع پر بنائي تھی اور اس کو اپنے یو ٹیوب چینل پر اپ لوڈ کیا تھا-

یہ ویڈیو معروف پیپلز پارٹی کی رہنما شرمیلا فاروقی کی والدہ کی تھی جو شادی پر موجود تھیں اور ان کے میک اپ کے حوالے سے نادیہ خان نے بنائی تھی جس کے حوالے سے شرمیلا فاروقی کو یہ محسوس ہوا کہ اس ویڈيو کے ذریعے نادیہ خان نے ان کی والدہ کی تضحیک کی ہے اور انہوں نے اس حوالے سے سائبر کرائم ایف آئي اے میں بھی درخواست جمع کروا دی ہے جب کہ نادیہ خان نے اس ویڈيو کو ڈلیٹ کرنے کا اعلان کر دیا ہے-

تاہم اس بات سے قطع نظر ہم سب جانتے ہیں کہ نادیہ خان کی شہرت کا سبب ان کے بے ساختگی اور حس مزاح ہے جس کے ذریعے انہوں نے مارننگ شوز کو ایک نیا رنگ دیا- مگر اس کے باوجود ان کے مارننگ شوز بھی تنازعات سے بھر پور رہے ہیں-

نادیہ خان کی میرا جی کے بارے میں رائے

نادیہ خان کے مارننگ شو کے حوالے سے ایک زمانے میں ان کے اور میرا جی کے جھگڑے کی خبر بھی کافی مشہور ہوئی تھی- اس کے حوالے سے ان سے جب میرا جی کے حوالے سے پوچھا گیا تو ان کا کہنا تھا کہ میرا جی سے ہر بار مل کر ایسا محسوس ہوتا ہے جیسے پہلی بار مل رہے ہوں- انہوں نے ان کے حوالے سے یہ بھی کہا کہ انہوں نے میرا جی کو ایک بار اپنے شو میں بلایا ان کے مینیجر کے ساتھ ساری بات طے ہوئی مگر میرا جی نے شو میں آکر سب سے یہ پوچھا کہ میں یہاں کیوں آئی ہوں وغیرہ وغیرہ-

ان کا یہ بھی کہنا تھا کہ وہ میرا جی کو فلم چیف صاحب کے وقت سے جانتی تھیں مگر میرا جی کی شخصیت فلم اسکرین سے بالکل مختلف ہے- بعض اوقات تو بار بار ملنے کے باوجود بھی وہ پہچاننے سے انکار کر دیتی ہیں جو بہت حیران کن پہلو ہے- میرا جی کے حوالے سے نادیہ خان کا یہ بھی کہنا تھا کہ لوگوں کے ہنسانے کے لیے کسی بھی کامیڈین کو جتنی محنت کرنی پڑتی ہے وہ کام میرا جی کا ایک جملہ منٹوں سیکنڈوں میں کر دیتا ہے-

انگلینڈ میں میرا جی سے ملاقات

میرا جی سے ملاقات کا ایک واقعہ بیان کرتے ہوئے نادیہ خان کا یہ کہنا تھا کہ یوم آزادی کے ایک پروگرام کے حوالے سے وہ دونوں وہاں پر موجود تھیں اور جب نادیہ خان، میرا جی اور نادیہ خان کی بیٹی جو ان کی گود میں تھی لفٹ میں سوار ہوئے تو لفٹ میں صرف یہی تین لوگ تھے مگر اس وقت میرا جی نے نادیہ خان کو بالکل پہچاننے سے انکار کر دیا اور ان کو دیکھتے ہوئے صرف ان سے ایک ہی سوال کیا کہ کس کی بچی ہے ؟ تو نادیہ خان کا یہ کہنا تھا کہ بچی میری گود میں تھی تو لازمی میری ہی ہو گی مگر اس کے بعد میرا جی نے ان سے کوئی دوسری بات نہیں کی اور لفٹ سے نکل کر چلی گئیں-

میرا جی اور علی ظفر کا اسکینڈل

اسی شو کے حوالے سے مزيد واقعات بیان کرتے ہوئے بھی نادیہ خان کا یہ کہنا تھا کہ شو کی میزبانی نادیہ خان کر رہی تھیں اور اس وقت میرا جی ان کے پاس آئيں اور ان سے پوچھنے لگیں کہ آج کل کون ہاٹ ہے ؟ نادیہ خان کا یہ کہنا تھا کہ وہ ان کی بات نہ سمجھیں تو میرا جی نے کہا کہ جو گلوکار اور لڑکے یہاں موجود ہیں ان میں کون ہاٹ ہے؟ تو نادیہ خان نے علی ظفر کی طرف اشارہ کر دیا-

جس کے بعد میرا جی نے ان سے کہا کہ ابھی میرا علی ظفر کے ساتھ اسکینڈل بناؤ ابھی اناؤنس کرو جب نادیہ خان نے اس سے انکار کیا تو انہوں نے کہا ٹھیک ہے تو پھر میں خود جا رہی ہوں اسٹیج پر اور اس کے بعد وہ اسٹیج پر گئيں اور انہوں نے علی ظفر کے گانے پر اس کے ساتھ ڈانس کرنا شروع کر دیا-

نادیہ خان کے اس پرانے انٹرویو کو دیکھنے سے پتہ چلتا ہے کہ ان کی مذاق کرنے کی عادت ان کی شخصیت کا حصہ ہے اور شرمیلا فاروقی والے کیس میں بھی سارا مسئلہ ان کی اس فطرت کا ہے امید ہے کہ وہ جلد ہی اس مسئلے کو حل کر لیں گی-

< Previous عدت کے بعد بھی پہننے اوڑھنے پر طعنے کیوں؟ ڈرامے میں دکھائے جانے والے چند مناظر جو اصل زندگی میں بھی بیوہ عورت کے ساتھ سلوک کو ظاہر کرتے ہیں NEXT > دونوں ہی اچانک امیر ہو گئے، پری زاد اور دانش کے کرداروں میں غربت کے علاوہ اور کتنی باتیں ایک جیسی ہیں جو عوام ان کے موازنے پر مجبور ہوگئے