اپنی اصلاح کریں

اپنے آپ کو خود ٹھیک کریں

آپ انسان ہیں؟
ناجائز کرایہ مانگنے پر آپ رکشہ ڈرائیور سے جھگڑا کرتے ہیں تو کیا جائز رقم کا مطالبہ کرنے والے رکشہ ڈرائیور کو آپ خوشی سے کچھ اضافی رقم ادا کرتے ہیں؟
کیا آپ اس اچھے عمل پر اس کی حوصلہ افزائی کرتے ہیں؟
اس سے ہاتھ ملاتے ہیں؟
آپ الیکٹریشن کارپینٹر پلمبر وغیرہ کے ناجائز مطالبے پر اسے تنقید کا نشانہ تو بناتے ہیں لیکن کیا ایمانداری سے کام کرنے والے مزدور کی آپ حوصلہ افزائی کرتے ہیں؟
اس کے کام کی تعریف کرتے ہیں؟
اسے خوشی سے کچھ زائد رقم ادا کرتے ہوئے یہ پیغام دیتے ہیں کہ وہ اچھے راستے پر چل رہا ہے اور اچھے لوگوں کیلئے آسانیاں پیدا ہوتی ہیں؟
آپ دودھ میں ملاوٹ کرنے والے سے بھی بحث کرتے ہیں تو کیا آپ خالص دودھ فروخت کرنے والوں کو مناسب رقم ادا کرتے ہیں؟
یا اس کے ساتھ بھی پانچ دس روپے کی وجہ سے بحث کرتے ہیں؟
اگر آپ صرف غلط کرنے والوں پر تنقید کرتے ہیں اور اچھا کرنے والوں کی حوصلہ افزائی کرتے ہیں تو آپ واقعی انسان ہیں لیکن صرف غلط کرنے والوں پر تنقید اور اچھا کرنے والوں پر خاموشی یا تنقید تو پھر آپ منافق ہیں
اس سے بھی بڑھ کر اپنا احتساب کیجیے کہ آپ جہاں جس جگہ پر موجود ہیں آپ اپنا کام ایمانداری سے کرتے ہیں؟
اگر نہیں تو پھر آپ کا دیا ہوا ہی آپ کو پلٹ کر واپس مل رہا ہے تم اپنی فکر کرو تم خود کو ٹھیک کر لو دوسروں کی فکر چھوڑ دو جہالت لڑتی ہے علم کبھی نہیں لڑتا