والدین مالی اور بیٹا بگ باس جا پہنچا، عبدو روزک بھارت میں اتنا مقبول کیوں ہورہے ہیں؟

بگ باس 16 کا آغاز ہو گیا ہے اس پروگرام کی مقبولیت کے سبب اس میں حصہ لینے والے افراد چاہیں جیتیں یا ہاریں وہ ایسی مقبولیت حاصل کر لیتے ہیں جس سے ان کی زندگی بدل جاتی ہے۔

بگ باس نامی اس ریلیٹی شو کی ایک اور خصوصیت یہ بھی ہوتی ہے کہ اس میں حصہ لینے والے افراد کو ایک مقررہ مدت تک ایک گھر میں بگ باس کی زیر نگرانی کیمروں کے ساتھ رہنا ہوتا ہے جس کے دوران ان کو مختلف ٹاسک دیے جاتے ہیں- جس کے ساتھ ساتھ ان کے رویے کی بنیاد پر عوام ان کو ووٹ کرتے ہیں اور آخر میں صرف ایک فرد اس مقابلے کو جیتتا ہےاس بار کے بگ باس ونر کو 50 لاکھ روپے انعام ملیں گے-

بگ باس کے چھوٹے باس

ازبکستان سے تعلق رکھنے والے عبدوروزک اس بار کے بگ باس کے اب تک کے سب سے پسندیدہ ممبر سمجھے جا رہے ہیں- معصوم چہرہ چھوٹا سا قد رکھنے والے عبدوروزک کو دیکھ کر ابتدا میں لوگوں کا یہ خیال ہے کہ اتنے کم عمر بچے کو بگ باس میں شامل کرنا قانون کی خلاف ورزی ہے-

جب کہ حقیقت میں عبدوروزک 19 سالہ نوجوان ہیں جو کہ صرف اپنے قد اور معصوم صورت کے سبب اتنے کم عمر لگتے ہیں-

عبدو روزک کے چھوٹے قد کا سبب

عبدو روزک کا تعلق ازبکستان کے ایک گاؤں سے ہے اس کے والد ایک مالی ہیں ان کا بچپن شدید غربت میں گزرا اسی دوران وہ بچپن میں ریکٹ نامی ایک بیماری میں مبتلا ہو گئے مگر غربت کے سبب اس کے والدین بر وقت اس کا علاج نہ کروا سکے جس کی وجہ سے عبدو روزک کا قد بڑھنا رک گیا اور ان کی ہڈيوں کی نشو نما رک گئی-

چھوٹے قد کے باوجود بڑے خواب

عبدو روزک نے چھ سال کی عمر میں گانا گانا شروع کیا اس کے علاوہ انہوں نے مارشل آرٹ کی ٹریننگ بھی حاصل کی اور اپنے جیسے چھوٹے قد کے افراد کے ساتھ کئی بین الاقوامی مقابلے بھی لڑ چکے ہیں عبدو کے گانے ازبکستان کے لوگوں میں بہت پسند کیے جاتے ہیں-

ان سب کے علاوہ عبدو سوشل میڈیا پر بھی کافی ایکٹو ہیں یہی وجہ ہے کہ ان کے معصوم صورت اور خوبصورت آواز کو چاہنے والے دنیا بھر میں مشہور ہیں-

عبدو روزک کی بگ باس میں شمولیت کا سبب

ازبکستان کے ساتھ ساتھ عبدو روزک بھارت میں بھی ایک خاص وجہ سے بہت مقبول ہیں جس کا سب سے پہلا سبب ان کے ارجیت سنگھ کا گایا کنا سوہنا گا کر ہندوستانیوں کے دل جیت لیے- اس کے بعد دبئی میں ہونے والے ایک شو میں انہوں نے مشہور گانا ایک لڑکی کو گا کر سلمان خان کا دل جیت لیا جو اس وقت اس شو میں موجود تھے اور انہوں نے عبدوروزک کو نہ صرف ہندوستان آنے کی دعوت دی بلکہ ان کو بگ باس میں بھی شرکت کی دعوت دی-

اس کے علاوہ عبدو روزک خصوصی دعوت پر اے آر رحمان کی بیٹی کی شادی میں بھی شرکت کر چکے ہیں اور اس کے علاوہ وہ اے آر رحمان کے ساتھ لائیو پرفارم بھی کر چکے ہیں-

عبدو ایک بڑی فلم کا حصہ

عبدو روزک اس وقت نہ صرف بگ باس میں نظر آرہے ہیں بلکہ وہ سلمان خان کی اگلی آنے والی فلم کسی کا بھائی کسی کی جان بھی سائن کر چکے ہیں اور اس میں ایک اہم کردار ادا کر رہے ہیں-

عبدو روزک کی صلاحیتوں نے ان کو اس وقت نہ صرف معاشی طور پر کامیاب کر دیا ہے بلکہ ان کی یہ کامیابی ان تمام لوگوں کے لیے ایک سبق ہے جو کسی جسمانی کمزوری کے سبب ہمت ہار بیٹھتے ہیں -

< Previous سڑکوں اور فٹ پاتھوں پر رات گزرتی تھی، بھارتی اداکار جن کے گھر آج مہنگے ترین علاقوں میں ہیں ہمیشہ اتنے امیر نہ تھے NEXT > کینسر سے بھی جنگ کی اور۔۔۔ معروف مصنفہ اسماﺀ نبیل نے اپنے آخری ڈرامہ میں ایسا کیا لکھا کہ والدین کے لیے مثال بن گیا