|
|
| |
| شاہ رخ خان جن کو دنیا بھر میں کنگ خان کے نام سے بھی
پکارا جاتا ہے گزشتہ دو دہائيوں سے بالی وڈ کی فلمی صنعت پر بے تاج بادشاہ
کی طرح راج کرنے والے شاہ رخ خان کی کامیابی میں صرف ان کی اداکاری کا کمال
ہی نہیں ہے بلکہ ہر کردار کے لیے ایک منفرد انداز اختیار کرنا بھی ان کا
خاصہ ہے۔ ایسے تو اپنی ہر فلم کے لیے عامر خان کا انداز بھی نیا ہوتا ہے
مگر ان کے اور شاہ رخ خان کے انداز میں سب سے بڑا فرق یہ ہوتا ہے کہ شاہ رخ
خان کے بالوں کے انداز سے لے کر ان کے کپڑے پہننے کا انداز تک سب صرف ان تک
ہی محدود نہیں رہتا ہے بلکہ وہ سب کے لیے ایسا فیشن بن جاتا ہے جس کو سب ہی
اپنانے پر خوشی محسوس کرتے ہیں- آج ہم آپ کو شاہ رخ خان کے کچھ ایسے ہی
منفرد اسٹائل کے بارے میں بتائيں گے جس کی ابتدا تو شاہ رخ نے کی مگر وہ سب
کے لیے ایک فیشن بن گیا- |
| |
| 1: فلم محبتیں کے راج
آریان کا کاندھوں پر پڑا سوئٹر |
| فلم محبتیں جس میں شاہ رخ خان کے مقابل امیتابھ بچن تھے
مگر اس فلم کے ہیرو شاہ رخ ہی تھے اور ان ہی کا انداز سب میں مقبول ہوا- اس
پوری فلم میں شاہ رخ خان نے سوئٹر پہننے کے بجائے کاندھوں پر رکھا جس کے
انداز کو سب نے اتنا پسند کیا کہ نئی نسل نے سوئٹر پہننے کے بجائے اس کو
کاندھے پر رکھنا شروع کر دیا- |
|
|
| |
| 2: فلم کل ہو نہ ہو کے
امن ماتھر کی کارگو پینٹ |
| فلم کل ہو نہ ہو کو ریلیز ہوئے ایک طویل عرصہ گزر چکا ہے
مگر آج بھی نوجوان امن ماتھر کی طرح رنگ برنگی کارگو پینٹ ٹی شرٹ کے ساتھ
پہن کر خود کو شاہ رخ سمجھتے ہیں- فلموں میں کارگو پینٹ کا کسی بھی ہیرو نے
اس سے قبل اس طرح سے استعمال نہیں کیا تھا اور جب اس فلم میں شاہ رخ خان نے
یہ انداز اپنایا تو وہ لوگوں کے دلوں کو اتنا بھایا کہ وہ آج تک اس کا
استعمال کرتے ہیں- |
|
|
| |
| 3: فلم کبھی خوشی کبھی
غم کے راہول رائے چند کے بالوں کا انداز |
| فلم کبھی خوشی کبھی غم میں شاہ رخ ایک نئے بالوں کے
انداز میں نظر آئے جس سے ایک جانب تو وہ کافی کم عمر محسوس ہوئے بلکہ ان کا
یہ اسٹائل ان کے چہرے پر بھی بہت سوٹ کیا- جس کے بعد اکثر نوجوان شاہ رخ
خان کی طرح کے ہئیر اسٹائل کو اپنا کر خود کو شاہ رخ سمجھنے لگے- |
|
|
|
|
|
4: فلم ویر زارا کے ویر پرتاپ سنگھ کی جیکٹ
اور لاکٹ |
|
شاہ رخ خان نے ویر زارا میں ویر پرتاپ سنگھ کے روپ میں پوری فلم میں ٹی شرٹ
کے اوپر جینز کی جیکٹ پہنی اور ان کے گلے میں ایک مخصوص نشان والا لاکٹ
ہوتا جو ٹی شرٹ کے اوپر سے خاص طور پر نظر آتا تھا- اور اس انداز نے اتنی
مقبولیت حاصل کی کہ اس طرح کے لاکٹ زيورات بنانے والی کمپنیوں نے نہ صرف
بنانے شروع کر دیا بلکہ جینز کی جیکٹ بنانے والوں کی بھی چاندی ہو گئی- |
|
|
|
|
|
5: فلم میں ہوں نا کے میجر رام پرشاد شرما
کا بغیر بازو والا سوئٹر |
|
عام طور پر اس فلم کی ریلیز سے قبل بغیر بازو کے سوئٹر اور اس کے اوپر شرٹ
کے بٹن کا اوپر تک بند ہونا بڑی عمر کے لوگوں پر ہی سوٹ کرتا تھا- مگر ایک
فوجی میجر کے روپ میں جب شاہ رخ نے یہ انداز اپنایا تو ان کا یہ انداز نئی
نسل کی پسند بن گیا اور انہوں نے فخریہ طور پر اس کو اپنانا شروع کر دیا- |
|
|
|
|
|
شاہ رخ خان کے اس طرح تجربات کرنا اور ان تجربات میں کامیاب ہونا ہی
درحقیقت ان کی کامیابی کی سب سے بڑی دلیل ہے اور یہی وہ چیز ہے جس نے انہیں
اب تک کنگ خان بنا رکھا ہے- |