یوم فیض

شاعری لفظوں کا کھیل ہے۔ جسں میںشاعر اپنے جذبات کو ماخذوں، صفتوں، تشبیہوں اور استعاروں کے استعمال سے بیان کرتے ہیںاور یہ تب ہی لافانی بنتی ہے، جب شاعرجمالیات کے ساتھ ساتھ اپنی شاعری کے ذریعے دور حاضر کے سلگتے ہوئے مسائل کو بھی بیان کرے۔ بہت کم شاعروں نے ایسی شاعری تخلیق کی ہے جس کا تعلق ہر دور کے مسائل سے رہا ہے۔ فیض احمد فیض اس فہرست میں سرفہرست ہیں۔
فیض احمد فیض ایک ایسے ہی شاعر ہیں جو ’’نثار میں تیری گلیوں کے‘‘ اور’’لازم ہے کہ ہم بھی دیکھیں گے‘‘ جیسی نظموں کے خالق ہیں۔ اردو شاعری میں فیض کا قد بہت اونچا ہے۔ نون میم راشد نے فیض کے پہلے مجموعے نقشِ فریادی کے پیش لفظ میں لکھاہے۔
’’یہ رومان اور حقیقت پسندی کے سنگم پر کھڑے شاعر کی غزلوں اور نظموں کا مجموعہ ہے‘‘۔
دور حاضر میں فیض کا اثر کچھ ایسا ہے کہ ‘آپ ان سے محبت کر سکتے ہیں، یا آپ ان سے نفرت کر سکتے ہیں، لیکن آپ فیض کونظر انداز نہیں کر سکتے۔ فیض اردو کے کوئی باقاعدہ شاعر نہیں تھے ،جس نے اپنے محبوب کی خوبصورتی پر نظمیں لکھیں، شاید اسی لیے انہوں نے یہ نظم لکھی ہے۔
مجھ سے پہلی سے محبت میرے محبوب نہ مانگ
فیض کہتے ہیں۔
اور بھی دکھ ہیں زمانے میں محبت کے سوا
راحتیں اور بھی ہیں وصل کی راحت کے سوا
فیض کی شاعری ان کے زمانے کی عکاس ہے۔وہ مزدور طبقے کے مسائل، ناانصافی، محنت کشوں کا استحصال، غربت اور عورتوں کے مصائب جیسے موضوعات کی بات کرتے تھے۔ وہ ایک ترقی پسند شاعر تھے اور ان کیلئے فن ایک مقصد کیلئے تھا۔
شاعر اور فنکار، تمام انسانوں کی طرح، ایک سماجی دنیا میں رہتے ہیں، اس لیے انھیں اپنے عہد کی حقیقتوں کا ادراک ہونا چاہیے اور ان کی شاعری میں اس کی عکاسی ہونی چاہیے۔ فیض کے خیال میں ‘فن برائے فن اتنا موثر نہیں جتنا ‘فن برائے زندگی ہے۔ ان کا خیال تھا کہ کوئی بھی فن جو پیروکاروں سے عمل کی ترغیب نہیں دیتا وہ فن کے طور پر عظیم نہیں ہے۔
فیض صرف الفاظ کے آدمی نہیں تھے بلکہ عمل کے بھی آدمی تھے۔ وہ چیلنجوں اور جبر کا مقابلہ کرنے سے باز نہیں آتے تھے۔ وہ 1951 کے راولپنڈی سازش کیس کے اہم ملزمان میں سے ایک تھے اوریوں انھیں جیل بھیج دیا گیا تھا۔
فیض کی شاعری مذہبی علامتوں سے بھری پڑی ہے، لیکن مذہب کے بارے میں ان کی تفہیم صوفی فکر سے متاثر ہے نہ کہ مبہم اور کٹر مذہبی سکالرز سے۔ مذہبی انتہا پسندی اور آمرانہ حکمرانوں سے لڑنے کے فیض کے عزم نے انھیں ایک بین الاقوامی نام بنایا۔
فیض نے اپنی مشہور نظم ’’ہم دیکھیں گے‘‘ میں، جو مذہبی علامتوں سے لبریز ہے اور پاکستان اور ہندوستان دونوں میں مزاحمت کا ترانہ بن چکا ہے۔
ہم دیکھیں گے، ہم دیکھیں گے
لازم ہے کہ ہم بھی دیکھیں گے
وہ دن کہ جس کا وعدہ ہے
جو لوحِ ازل میں لکھا ہے
جب ظلم و ستم کے کوہ گراں
روئی کی طرح اُڑ جائیں گے
ہم محکوموں کے پاؤں تلے
یہ دھرتی دھڑدھڑدھڑکے گی
اور اہلِ حکم کے سر اوپر
جب بجلی کڑ کڑ کڑکے گی
جب ارضِ خدا کے کعبے سے
سب بُت اُٹھوائے جائیں گے
ہم اہلِ سفا مردودِ حرم
مسند پہ بٹھائے جائیں گے
سب تاج اچھالے جائیں گے
سب تخت گرائے جائیں گے
بس نام رہے گا اللہ کا
جو غائب بھی ہے حاضر بھی
جو ناظر بھی ہے منظر بھی
اٹھّے گا انا الحق کا نعرہ
جو میں بھی ہوں اور تم بھی ہو
اور راج کرے گی خلقِ خدا
جو میں بھی ہوں اور تم بھی ہو
لازم ہے کہ ہم بھی دیکھیں گے
فیض صاحب نے انگلستان اور لبنان میں کئی سال جیل میں اور کئی سال جلاوطنی میں گزارے۔ ظلم کے خلاف ان کی مخالفت صرف جغرافیائی حدود تک محدود نہیں تھی۔ انہوں نے ویتنامی کاز اور فلسطین کی آزادی کی تحریک کی حمایت کی۔وہ فلسطین کی آزادی کی جدوجہد میں فلسطینی لبریشن آرگنائزیشن کے رہنما یاسر عرفات کے قریبی دوست تھے۔فیض ایسے شاعر تھے جو لکھتے تھے اور جیل میں ڈال دیے جاتے تھے، پھر لکھتے تھے اور پھر جیل جاتے ۔ فیض کہتے ہیں
یہ داغ داغ اُجالا، یہ شب گزیدہ سحر
وہ انتظار تھا جس کا، یہ وہ سحر تو نہیں
یہ وہ سحر تو نہیں جس کی آرزو لے کر
چلے تھے یار کہ مل جائے گی کہیں نہ کہیں
فلک کے دشت میں تاروں کی آخری منزل
کہیں تو ہوگا شب سست موج کا ساحل
کہیں تو جا کے رکے گا سفینہ غم دل
فیض کی زندگی معاشرے کے پسے ہوئے طبقے کی جدوجہد کے گرد گھومتی ہے۔ لینن امن انعام کے فاتح فیض جب تک زندہ رہے، سامراج، فوج اور اسٹیبلشمنٹ کے سخت ناقد رہے۔