دنیا کی منفرد مسجد ۔۔ دیواروں پر پورا قرآن پاک کندہ ہے، یہ کہاں واقع ہے؟

قرآن کریم حفاظ کرام ، سورتوں اور آیات کی صورت میں ہر مسلمان کے دل میں محفوظ ہے تاہم مصر میں ایک نئی مسجد میں کچھ منفرد انداز میں اس قرآن پاک کو محفوظ کیا گیا ہے جس نے پوری دنیا کے سیاحوں کی توجہ اپنی جانب مبذول کرالی ہے۔

قرآن کریم خوبصورت خطاطی میں دیواروں پر مصحف ضرور کیا گیا ہے لیکن یہ ازبکستان کے شہر بخارا کی مسجد نہیں بلکہ مصر کی ایک نئی مگر عظیم الشان مسجد ہے جس کو قاہرہ کے نئے انتظامی دارالحکومت میں تعمیر کیا گیا ہے۔

مسجد میں قرآن پاک کندہ کرنے کے 30 خصوصی گلیریز مختص کی گئیں جہاں ہر گیلری میں ایک پارہ کندہ کیا گیا۔ پہلی گیلری میں دیوار پر کندہ قرآن پاک کا آغاز پہلی سورت سورہ فاتحہ سے ہوتا ہے 30 ویں گیلری میں اس کا اختتام آخری سورت سورہ الناس پر ہوتا ہے ۔

یہ مسجد ہی نہیں بلکہ فن تعمیر کا عظیم نمونہ ہے، اس کا سرکاری نام تو اسلامی ثقافتی مرکز ہے مگر یہ ملک اور بیرون ملک ’مصر مسجد‘ کے نام جانی جاتی ہے۔

سوشل میڈیا پر وائرل تصاویر میں دیکھا گیا کہ ازبکستان کے شہر بخارا میں دنیا کا واحد قرآنی مصحف جو دیواروں میں کندہ ہے۔ 30 پاروں کیلئے 30 الگ الگ کمرے ہیں جن کی دیواروں پر خوبصورت خط نسخ میں قرآن کریم کندہ کیا گیا ہے۔

یہ مسجد مجموعی طور پر 19 ہزار مربع گز پر قائم ہے جس میں بیک وقت ایک لاکھ سے زائد افراد نماز ادا کر سکتے ہیں۔ اس میں گاڑیاں کھڑی کرنے کے لیے کئی منزلہ پارکنگ ہے جہاں 4 ہزار کاریں سما سکتی ہیں۔

مسجد میں دیواروں پر مکمل قرآن کریم خط نسخ میں کندہ کرنے کو ورلڈ گنیز بُک آف ورلڈ ریکارڈ میں درج کرالیا گیا ہے۔

< Previous پاکستانی والدین کے بچوں کو ڈرانے کے چند دلچسپ انداز NEXT > والد کے لکڑی کا کاروبار سنبھالنے والی 4 باہمت بیٹیاں