|
|
| |
| پاکستان سمیت دنیا بھر میں عید الاضحیٰ منائی جاری ہے
عیدالاضحیٰ عید الفطر سے بڑی اور افضل عید ہے، حج مکمل ہونے کے بعد قربانی
کی جاتی ہے، قرآنِ کریم میں تقریباً نصف دَرجن آیاتِ مبارکہ میں قربانی
کی حقیقت ، حکمت اور فضیلت بیان کی گئی ہے۔ دنیا کے کئی ممالک میں
عیدالاضحیٰ کے موقع پر الگ الگ جانور قربان کئے جاتے ہیں اور الگ الگ طریقے
سے ہی قربانی کی جاتی ہے۔ |
| |
| سعودی عرب |
| حج کے موقع پر سعودی عرب میں ہر سال لاکھوں کی تعداد میں
جانور قربان کئے جاتے ہیں اور یہاں زیادہ تر مینڈھا، بکرا اور اونٹ قربان
کیا جاتا ہے اور دنیا بھر سے جانور منگوائے جاتے ہیں اور اللہ کی راہ میں
قربان کئے جاتے ہیں۔ |
|
|
| |
| متحدہ عرب امارات |
| سعودی عرب کی طرح متحدہ عرب امارات میں بھی دنبہ اور
اونٹ قربان کرنے کا رجحان زیادہ ہے اور یہاں بھی ہر سال لاکھوں جانور قربان
کئے جاتے ہیں اور دنیا کے کئی ممالک سے جانور یہاں منگوائے جاتے ہیں۔ |
|
|
| |
| بھارت |
| بھارت میں بسنے والے کروڑوں مسلمان عید الاضحیٰ کے موقع
پر بھی بھارت سرکاری کی پابندیوں کی وجہ سے پریشان رہتے ہیں، یہاں گائے پر
مقدس ماننے کی وجہ سے گائے کی قربانی پر اکثر تنازعات سامنے آتے ہیں جبکہ
گھروں پر قربانی پر بھی قدغن لگادی جاتی ہے- تاہم اس کے باوجود بھارت میں
بچھڑے اور بکرے کی قربانی زیادہ کی جاتی ہے۔ |
|
|
| |
| افغانستان |
| جنگ زدہ افغانستان میں بھی ہر سال عید الاضحیٰ
پر جانور قربان کئے جاتے ہیں اور یہاں دیگر ممالک کی نسبت بکرے قربان کرنے
کا رجحان زیادہ ہے- لیکن اس کے ساتھ اونٹ، دنبہ اور دیگر جانور بھی قربان
کئے جاتے ہیں۔ |
|
|
| |
| پاکستان |
| عید الاضحیٰ کے موقع پر پاکستان میں بھی قربانی
کی جاتی ہے اور یہاں لوگ بکرے، دنبے اور گائے کی قربانی کو زیادہ ترجیح
دیتے ہیں جبکہ اونٹ بھی قربان کئے جاتے ہیں اور بعض لوگ یاک اور دیگر نایاب
جانور بھی راہ خدا میں قربان کرتے ہیں۔ |
|
|