| بھارتی بیٹسمین سچن ٹنڈولکر نے
دنیائے کرکٹ میں ایک اور اہم ریکارڈ اپنے نام کرلیا،اب وہ ٹیسٹ کرکٹ میں سب سے
زیادہ رنز بنانے والے کھلاڑی بن گئے ہیں انہوں نے یہ کارنامہ 151 ویں ٹیسٹ کی
246 ویں اننگز میں 11954 رنز بنا کر انجام دیا۔ اس سے قبل یہ ریکارڈ ویسٹ انڈیز
کے سابق کپتان برائن لارا کے پاس تھا، جنہوں نے یہ کارنامہ 131 ٹیسٹ میچز میں
11953 رنز اسکور کر کے اپنے نام کیا تھا۔ بھارت میں دیوتا سمجھے جانے والے
کرکٹر اس سے قبل ایک روزہ کرکٹ میں بھی سب سے زیادہ رنز بنانے کا ریکارڈ اپنے
نام کر چکے ہیں۔ اس طرح وہ دنیا کے واحد بیٹسمین بن گئے ہیں جن کے پاس بیک وقت
ٹیسٹ اور ایک روزہ کرکٹ میں سب سے زیادہ رنز بنانے کا اعزاز ہے۔اس کے علاوہ سچن
ٹنڈولکر کے پاس دنیا میں سب سے زیادہ سنچریاں بنانے کا ریکارڈ بھی ہے |