مستحکم معاشی قوت کے طور پر چین کا کردار

رواں سال کے پہلے چھ ماہ میں چین کی معیشت نے بحالی کا رجحان جاری رکھا اور مستحکم ترقی کو برقرار رکھا ہے۔یہی وجہ ہے کہ عالمی مالیاتی ادارے بھی چینی معیشت کے حوالے سے پُرامید اور پُراعتماد ہیں۔16 جولائی کو بین الاقوامی مالیاتی فنڈ (آئی ایم ایف) نے اپنے ورلڈ اکنامک آؤٹ لک کی اپ ڈیٹ جاری کی، جس میں پیش گوئی کی گئی ہے کہ 2024 میں چین کی اقتصادی ترقی کی شرح 5 فیصد ہوگی، جو اپریل میں پیش گوئی سے 0.4 فیصد زیادہ ہے۔

چینی معیشت کے مستحکم آپریشن اور طویل مدتی مثبت نقطہ نظر نے بھی عالمی معاشی بحالی میں اعتماد میں اضافہ کیا ہے۔آئی ایم ایف کا ماننا ہے کہ ایشیا کی ابھرتی ہوئی مارکیٹ کی معیشتیں، جن کی نمائندگی چین سمیت ممالک کرتے ہیں، عالمی معیشت کا اہم انجن ہیں۔چین کی اقتصادی ترقی نہ صرف مقداری بلکہ معیاری بھی ہے۔رواں سال کی پہلی ششماہی میں چین کی مجموعی ملکی پیداوار (جی ڈی پی) سال بہ سال 5 فیصد اضافے کے ساتھ تقریبا 61.7 ٹریلین یوآن (8.49 ٹریلین ڈالر) رہی۔اس عرصے کے دوران ملک میں صارفین کی اشیاء کی مجموعی خوردہ فروخت میں سال بہ سال 3.7 فیصد اضافہ ہوا جبکہ خدمات کی خوردہ فروخت میں 7.5 فیصد اضافہ ہوا۔ انفراسٹرکچر کی تعمیر میں سرمایہ کاری میں ایک سال پہلے کے مقابلے میں 5.4 فیصد اضافہ ہوا جبکہ مینوفیکچرنگ سرمایہ کاری میں 9.5 فیصد اضافہ ہوا، جو تیزی سے بحالی کا اشارہ ہے۔ اور مصنوعات میں غیر ملکی تجارت ایک نئی بلندی پر پہنچ گئی ، مصنوعات کی تجارت کا حجم 21.2 ٹریلین یوآن تک پہنچ گیا۔

درمیانے سے طویل مدتی نقطہ نظر سے ، چین کی طویل مدتی ترقی کو برقرار رکھنے والے معاشی بنیادی اصولوں میں کوئی تبدیلی نہیں آئی ہے ، اور ملکی معیشت میں اعلیٰ معیار کی ترقی کی جانب رجحان تبدیل نہیں ہوا ہے۔یوں ،چین عالمی معیشت کے لئے ایک اہم انجن اور مستحکم قوت بنا ہوا ہے۔پیچیدہ اور غیر مستحکم گھریلو اور بین الاقوامی ماحول کا سامنا کرتے ہوئے ، چین نے اپنی معیشت کی مستحکم توسیع کو برقرار رکھا ہے اور صنعتی اپ گریڈنگ اور اعلی معیار کی ترقی کو منظم انداز میں آگے بڑھایا ہے ، جس سے اعلیٰ ویلیو ایڈڈ اور پائیدار معاشی ترقی کے حصول کو فروغ ملا ہے۔

یہ بھی قابل اطمینان امر ہے کہ چین کی اقتصادی تبدیلی، اپ گریڈنگ اور اعلیٰ معیار کی ترقی کو چلانے والے مثبت عوامل کے یکجا ہونے کا عمل جاری ہے.مثال کے طور پر ملک میں اسمارٹ اور گرین مصنوعات جیسے انٹیگریٹڈ سرکٹس، سروس روبوٹس، نیو انرجی وہیکلز اور سولر سیلز کی پیداوار نے رواں سال کی پہلی ششماہی میں "ڈبل ڈیجٹ گروتھ" برقرار رکھی ہے۔اس کے علاوہ بگ ڈیٹا اور مصنوعی ذہانت جیسی نئی ٹیکنالوجیز کے ساتھ ساتھ نئے کھپت ماڈلز کی وجہ سے پیدا ہونے والے نئے کھپت کے منظرنامے نے اس عرصے کے دوران چین کی فزیکل مصنوعات کی آن لائن خوردہ فروخت میں سال بہ سال 8.8 فیصد اضافہ کیا ہے۔دریں اثنا، چین کی جی ڈی پی کے فی یونٹ توانائی کی کھپت میں کمی کا سلسلہ جاری ہے۔

ماہرین کے خیال میں عالمی معیشت کو غیر یقینی صورتحال اور چیلنجز کا سامنا ہے،ایسے میں ایک مستحکم قوت کے طور پر چین کا کردار پہلے سے کہیں زیادہ اہم ہے۔چین کی جانب سے اصلاحات کو گہرا کرنے کی کوششوں نے ملک کی اعلیٰ معیار کی ترقی اور چینی جدیدکاری کے حصول میں زبردست تیزی پیدا کی ہے۔کمیونسٹ پارٹی آف چائنا (سی پی سی) نے اصلاحات کو زیادہ منظم ، جامع اور مربوط بنانے اور اعلیٰ معیار کی ترقی کی رفتار ، قوت اور صلاحیت کو متحرک کرنے پر توجہ مرکوز کی ہے۔

بین الاقوامی مبصرین نے 20 ویں سی پی سی سینٹرل کمیٹی کے تیسرے کل رکنی اجلاس پر بھی گہری توجہ دی ہے۔ ان کا ماننا ہے کہ چین کی معیشت ترقی کے پرانے سے نئے محرکات کی جانب منتقلی کے مرحلے سے گزر رہی ہے اور جامع انداز میں اصلاحات کو مزید گہرا کرکے ہموار منتقلی کی ضمانت دی جاسکتی ہے۔ماہرین کے خیال میں چین جدید مینوفیکچرنگ پر مبنی ایک جدید صنعتی نظام تعمیر کر رہا ہے، جو سی پی سی کی دور اندیشی، دانشمندی، جرات اور اصلاحات کو آگے بڑھانے کے عزم کو ظاہر کرتا ہے۔اعلیٰ سطحی کھلے پن کو مضبوطی کے ساتھ فروغ دے کر چین نے اقتصادی ترقی کے وسیع مواقع کھولے ہیں۔

موئثر پالیسیوں اور اقدامات نے ملک کے اس عزم کو ظاہر کیا ہے کہ وہ کھلے پن کے ذریعے اصلاحات اور ترقی کو فروغ دے گا۔یہ بات غورطلب ہے کہ چین 140 سے زائد ممالک اور خطوں کا اہم تجارتی شراکت دار ہے ، اشیاء میں غیر ملکی تجارت کا مجموعی حجم مسلسل سات سالوں سے عالمی سطح پر پہلے نمبر پر ہے۔چین نے بیلٹ اینڈ روڈ انیشی ایٹو (بی آر آئی) کے تحت اپنے دوستوں کے دائرے کو 150 سے زیادہ ممالک اور 30 بین الاقوامی تنظیموں کو شامل کرنے کے لئے توسیع کی ہے، اور چین۔یورپ فریٹ ٹرین سروس اب 25 یورپی ممالک کے 200 سے زیادہ شہروں تک پہنچ چکی ہے.اس کے علاوہ ، چین کی میزبانی میں بین الاقوامی نمائشیں ، جیسے چائنا انٹرنیشنل امپورٹ ایکسپو ، چائنا انٹرنیشنل فیئر فار ٹریڈ ان سروسز ، چائنا انٹرنیشنل کنزیومر پروڈکٹس ایکسپو ، اور چائنا انٹرنیشنل سپلائی چین ایکسپو ، نے مختلف ممالک میں باہمی فائدہ مند تعاون کے لئے جیت جیت پلیٹ فارم کے طور پر کام کیا ہے۔یوں وسیع تناظر میں چین، دنیا بھر کے ممالک کے لئے مزید مواقع فراہم کرے گا اور عالمی معیشت کی مستحکم اور پائیدار ترقی میں اپنا حصہ ڈالے گا کیونکہ ملک مسلسل جدیدکاری کی جانب گامزن ہے۔