پاکستان اور ہندوستان کی جنگیں اور افواج پاکستان کی کامیابیاں

پاکستان اور ہندوستان کے درمیان مختلف جنگیں اور کشیدگیاں تاریخ کا ایک اہم حصہ ہیں ان جنگوں میں پاکستانی فوج نے نہ صرف اپنی سرحدوں کا دفاع کیا بلکہ عالمی سطح پر اپنی عسکری صلاحیتوں کا بھی لوہا منوایا اور ان جنگوں میں پاکستان کی فوج کی کامیابیاں اس کی پروفیشنلزم، بہادری اور حکمت عملی کی عکاسی کرتی ہیں۔

تقسیم کے فوراً بعد کشمیر کا مسئلہ اٹھا پاکستان اور ہندوستان کے درمیان پہلی جنگ 1947 میں کشمیر کے مسئلے پر ہوئی ،پاکستان کی فوج نے 1947-48 کی جنگ میں شجاعت کے ساتھ حصہ لیا اکستان نے اس جنگ میں بڑی کامیابیاں حاصل کیں، خاص طور پر کشمیر کی وادی میں بھارت کو پسپائی پر مجبور کیا، اس کے نتیجے میں کشمیر کا کچھ حصہ پاکستان کے قبضے میں آیا، جسے آج آزاد کشمیر اور گلگت بلتستان کہا جاتا ہے

1965 کی جنگ پاکستان اور بھارت کے درمیان دوسری بڑی جنگ تھی بھارتی فوج نے پاکستان کے علاقے پر حملہ کیا، لیکن پاکستان کی فوج نے نہ صرف حملے کو روک دیا بلکہ بھارت کے کئی علاقوں میں بھی کامیاب فوجی آپریشن کیے پاکستان کی فوج نے لاہور کے قریب واقع چیلا گاؤں اور سیالکوٹ سیکٹر میں شجاعانہ دفاع کیا پاکستان کی فوج نے جنگ کے میدان میں اپنی صلاحیتوں کا بھرپور مظاہرہ کیا۔

1971 کی جنگ پاکستان اور بھارت کے درمیان تیسری بڑی جنگ تھی س جنگ کے دوران بھی پاکستان کی فوج نے سخت مزاحمت کی، خصوصاً مغربی سرحدوں پر بھارت کی فوج کا مقابلہ کرنے میں کامیاب رہی اگرچہ جنگ کا نتیجہ پاکستان کے لیے ناخوشگوار تھا، لیکن فوج نے اپنے عزم اور جرات کا بھرپور مظاہرہ کیا۔

1999 میں کارگل میں پاکستان اور بھارت کے درمیان ایک اور جنگ ہوئی پاکستان کی فوج نے اس علاقے میں بھارت کے خلاف بڑی کامیابیاں حاصل کیں، اور بھارتی فوج کو کچھ اہم پہاڑی چوٹیوں سے پسپائی پر مجبور کیا پاکستان کی فوج نے کارگل جنگ میں جنگی حکمت عملی، مقامی پہاڑی علاقوں میں لڑائی کی مہارت، اور میدان جنگ میں عزم کا بھرپور مظاہرہ کیا۔

اور اب 6اور7؍مئی 2025 کی درمیانی شب دنیا کی فوجی تاریخ میں اس اعتبار سے یاد گار کہلائے گی کہ محض دیڑھ سے ٢ گھنٹے میں پاکستان کو جارحیت کا نشانہ بنانے والے ملک بھارت کو ایسی منہ کی کھانی پڑی کہ اسے لائن آف کنٹرول پرواقع بہت سی چیک پوسٹوں پر سفید جھنڈا لہر کر اپنی شکست تسلیم کرناپڑی۔ بھارت نے رات کی تاریکی میں سویلین آبادی اور مساجد کو نشانہ بنایا گیا اس حملے میں 8شہری شہید،35 زخمی ہوئے۔ جبکہ نکیال سیکٹر میں گولہ باری سے دو طالبعلم بہن بھائی شہید ہو گئے۔ پاکستان نے بھارتی جارحیت کا منہ توڑ جواب دیتے ہوئے کپواڑہ، بار مولہ، راجوڑی، کارگل، لیہ، پونچھ اور اکھنور سمیت کئی مقامات پر فوجی تنصیبات کو نشانہ بنایا۔ جبکہ پاک فضائیہ نے دشمن کے تین رافیل طیارے، ایک سخوئی طیارہ، ایک مگ طیارہ مار گرایا

پاکستان کی فوج ایک مضبوط ادارہ ہے جس نے ملکی دفاع اور بین الاقوامی تعلقات میں اہم کردار ادا کیا ہے پاکستان کی فوج نے نہ صرف جنگی میدانوں میں بلکہ دنیا بھر میں مختلف مشنوں میں کامیابیاں حاصل کی ہیں۔ اس کی حکمت عملی، بہادری اور قربانیوں کی تاریخ نہ صرف پاکستان بلکہ دنیا بھر میں یاد کی جاتی ہے۔ پاکستان کی فوج کی کامیابیاں اس کی پیشہ ورانہ صلاحیتوں، عزم اور ملک کے دفاع کے لیے کی جانے والی قربانیوں کا نتیجہ ہیں۔ اگر پاکستان کی فوج نے جنگی میدانوں میں اپنی طاقت کو ثابت کیا ہے، تو اس نے عالمی سطح پر امن مشن میں بھی اپنی موجودگی کو ثابت کیا ہے۔