دنیا کی تیز ترین برقی مسافر ٹرین
(Shahid Afraz Khan, Beijing)
|
دنیا کی تیز ترین برقی مسافر ٹرین
تحریر: شاہد افراز خان ،بیجنگ
چین کی سی آر 450، جسے دنیا کی تیز ترین برقی مسافر ٹرین کا اعزاز حاصل ہے، اس وقت شنگھائی۔چونگ چھنگ۔چھںگ دو ہائی اسپیڈ ریل لائن پر آپریشنل آزمائش سے گزر رہی ہے۔
سی آر 450کو گزشتہ سال پروٹوٹائپ کے سامنے آنے کے بعد سے مسلسل سخت ترین ٹیسٹنگ کا سامنا ہے۔ 450 کلومیٹر فی گھنٹہ کی زیادہ سے زیادہ رفتار سمیت تمام کارکردگی کے میٹرکس کو کامیابی سے پورا کرنے کے بعد، اب ٹرین کو تجارتی مسافر سروس کے لیے کلیئرنس دینے سے پہلے ٹیسٹنگ فیز میں 600,000 کلومیٹر کا کامیاب آپریشن جمع کرنا ہوگا۔
سی آر 450 کی کلید ایروڈائنامک اور ڈھانچے کی بہتری میں پوشیدہ ہے۔ ٹرین کے نوز کوئن کو موجودہ 350 کلومیٹر فی گھنٹہ والی ٹرینوں کے 12.5 میٹر سے بڑھا کر مزید ہموار 15 میٹر کر دیا گیا ہے، جس کے نتیجے میں ہوا کی مزاحمت میں کمی آئی ہے۔
مزید برآں، کئی ڈیزائن کی اختراعات کی بدولت ٹرین کی مجموعی مزاحمت میں 22 فیصد کمی کی گئی ہے۔ ان میں بوگیوں کو مکمل طور پر ڈھانپنا اور ڈبے کے نیچے اسکرٹ پینلز کو نیچا کرنا شامل ہے، جس سے پہیوں کا ہوا کے سامنے آنا کم سے کم ہو گیا ہے۔ یہ ڈیزائن فلسفہ ہائی پرفارمنس ریسنگ کارز سے ملتا جلتا ہے۔ ٹرین کی اونچائی بھی 20 سینٹی میٹر کم کر دی گئی ہے، اور اس کا وزن 50 ٹن کم کر دیا گیا ہے۔گزشتہ پانچ سالوں میں، ڈویلپرز نے ہوا کی مزاحمت میں کمی کے لیے کام کیا ہے، جس میں بہتری 0.1 فیصد جتنی چھوٹی اکائیوں میں ناپی گئی ہے۔
سی آر 450 میں مسافر زیادہ آرام دہ سفر سے بھی محظوظ ہو سکتے ہیں ، کیونکہ اندرونی شور کی سطح 2 ڈیسیبل تک کم ہوگئی ہے اور مسافروں کی گنجائش میں 4 فیصد اضافہ ہوا ہے۔ سی آر 450 میں ٹرین کنٹرول ، ڈرائیور کے تعامل ، حفاظت کی نگرانی اور مسافر خدمات میں ذہین اپ گریڈ شامل ہیں ، جو تکنیکی جدت طرازی میں ایک اہم سنگ میل کی نمائندگی کرتے ہیں۔
یہ ڈیزائن ڈرامائی طور پر تیز رفتار رفتار کا باعث بنتا ہے۔سی آر 450 صرف 4 منٹ اور 40 سیکنڈ میں سٹیل (وقفے) سے 350 کلومیٹر فی گھنٹہ کی رفتار حاصل کر سکتی ہے۔ یہ موجودہ فوشنگ بلٹ ٹرین سے 100 سیکنڈ تیز ہے، جسے اسی رفتار تک پہنچنے میں 6 منٹ اور 20 سیکنڈ لگتے ہیں۔
چین کا ٹرانسپورٹیشن سیکٹر مسافروں کے موثر سفر اور کارگو کے بے عیب بہاؤ کے اپنے ہدف کی طرف تیزی سے آگے بڑھ رہا ہے۔ ملک نے دنیا کے سب سے بڑے ہائی اسپیڈ ریل اور ایکسپریس وے نیٹ ورکس تعمیر کیے ہیں، جو ایک مربوط ٹرانسپورٹ انفراسٹرکچر کا حصہ ہیں جو اب 6 ملین کلومیٹر سے زیادہ کا ہے۔
2021 میں ایک اہم اقدام کے طور پر شروع کیا گیا، سی آر 450 پروجیکٹ پہلے ہی گراؤنڈ بریکنگ نتائج فراہم کر چکا ہے۔ اس کا پروٹوٹائپ، جو گزشتہ سال کے آخر میں سامنے آیا تھا، ٹرائلز کے دوران نئی عالمی ریکارڈ قائم کر چکا ہے، جس میں 453 کلومیٹر فی گھنٹہ کی زیادہ سے زیادہ رفتار اور 896 کلومیٹر فی گھنٹہ کی ریلٹو پاسنگ اسپیڈ شامل ہیں، جس نے چین کی ہائی اسپیڈ ریل ٹیکنالوجی میں عالمی قیادت کو برقرار رکھا ہے۔
یہ امر قابل ذکر ہے کہ چین 2030 تک اپنے ہائی اسپیڈ ریلوے ٹریک کی لمبائی کو 60 ہزار کلومیٹر تک بڑھانے کا ارادہ رکھتا ہے، جو 2024 کے آخر میں 48 ہزار کلومیٹر تک پہنچ چکا ہے۔ چینی پالیسی سازوں کے مطابق، متعدد ریلوے لائنیں رابطے کے متعدد علاقائی کلسٹر بنانے کی کوششوں کا حصہ ہیں۔ اس ضمن میں پانچ لاکھ سے زیادہ آبادی والے 95 فیصد سے زیادہ چینی شہر اب وسیع ہائی اسپیڈ ریلوے نیٹ ورک میں شامل ہیں ، جو کامیابی سے علاقائی رابطے کو بڑھا رہے ہیں اور بیجنگ ۔ تھیان جن۔حے بی خطے ،دریائے یانگسی ڈیلٹا ، اور گوانگ دونگ ۔ہانگ کانگ ۔مکاؤ گریٹر بے ایریا جیسے کلیدی علاقوں میں علاقائی انضمام کے منصوبوں پر عملدرآمد کے لئے خاطر خواہ مدد فراہم کرتے ہیں۔ |
|