کیا آپ نے کبھی تربوز اور خربوزے
کو دیکھا ہے؟
کیا کہا؟ ۔۔۔۔ کھایا بھی ہے؟ ۔۔۔۔ واہ!
میں نے بھی کھایا ہے ۔۔۔۔ بہت دفعہ کھایا ہے ۔۔۔۔جب میں چھوٹی سی ہوتی تھی
ناں ۔۔۔۔ بہت چھوٹی ۔۔۔۔ ابھی سکول میں بھی نہیں جاتی تھی۔۔۔۔ تو پتہ میرے
بابا جانی نے مجھے ایک پیاری سی بُک لا کر دی ۔۔۔۔ اس بُک میں تربوز بھی
تھا ۔۔۔۔ اور ۔۔۔۔خربوزہ بھی ۔۔۔۔ اور بھی بہت ساری چیزیں تھیں ۔۔۔۔ بابا
مجھے کہتے کہ پڑھو !
ت ۔۔۔۔ تربوز
اور خوشبو کہتی تھی ۔۔۔۔ آپ کہ پتہ ہے کہ خوشبو کون ہے ؟ ۔۔۔۔ نہیں پتہ
؟۔۔۔ میں آپ کو بتاتی ہوں وہ میری پیاری سی دوست ہے ۔۔۔۔ اُس کی آنکھیں تو
اتنی پیاری ہیں ۔۔۔۔ اتنی پیاری کہ میرا دل چا ہتا ہے ان کو دیکھتی ہی رہوں
۔۔۔۔ ہاں تو خوشبو کہتی تھی کہ
ت ۔۔۔۔ تربوز نہیں ہوتا
ت ۔۔۔۔ ہندوانہ ہوتا ہے۔
میں نے بابا سے پوچھا تو انہوں نے بتایا کہ خوشبو کے گھر جا کر تربوز ،
ہندوانہ بن جاتا ہے۔ |