دنیا کی سب سے کم عمر مائیکرو سافٹ سرٹیفائیڈ پروفیشنل ارفع کریم اور او
لیول کے امتحانات میں 22 مضامین میں اے گریڈ لے کر عالمی ریکارڈ قائم کرنے
والے علی معین نوازش کے بعد نامساعد حالات کے باوجود پاکستانی بچوں نے ایک
بار پھر دنیا میں اپنی ذہانت اور قابلیت کا لوہا منوا لیا۔
آسٹریلیا میں ہونے والے 11 سے 13 سال کے بچوں کے درمیان ریاضی کے مقابلہ کو
13 سالہ پاکستانی بچے موسیٰ فیروز نے جیت کر گولڈ میڈل حاصل کرلیا‘ دوسری
پوزیشن بھی پاکستانی بچے حسنین نے حاصل کی۔
|
|
مقابلے میں دنیا بھر سے 100 سے زائد ممالک کے 15 لاکھ سے زائد بچی
اور بچیاں شریک تھے۔ پہلی پوزیشن ضلع منڈی بہاؤالدین کے انتہائی پسماندہ
علاقے پھالیہ کے 13 سالہ موسیٰ نے حاصل کر کے پوری دنیا میں پاکستانی پرچم
سربلند کردیا۔
یہ امر قابل ذکر ہے کہ مغربی ممالک میں ریاضی کے مضمون کیلئے بچوں کو جدید
طریقوں سے خصوصی تیاری کرائی جاتی ہے۔
|
|
تاہم پاکستان کے انتہائی پسماندہ علاقے سے تعلق رکھنے والے موسیٰ فیروز نے
جدید سہولیات کے ساتھ پڑھنے والے لاکھوں بچوں کو پیچھے چھوڑتے ہوئے گولڈ
میڈل جیت لیا۔ جبکہ دوسری پوزیشن بھی پاکستانی بچے حسینن نے حاصل کی ہے۔ |