| 20اپریل کی شام اسلام
آبادائرپورٹ پر سینکڑوں مردوخواتین جمع تھے ان سب کو کراچی سے پانچ بج کر
پانچ منٹ پر روانہ ہونیوالی بھوجاائرلائن کی پرواز نمبرB4_213کا انتظار
تھاکیوں کہ اس میں اُن کے پیارے اُن سے ملنے آرہے تھے جوں جوں وقت گزرتا
جارہاتھا ائرپورٹ پر جوش و خروش بڑھتا جارہاتھا اور آخرکار یہ انتظار ختم
ہوا اور ائرپورٹ استقبالی سائرنوں سے گونج اُٹھا جس کا مطلب تھاکہ اب طیارہ
بس پہنچنے ہی والا ہے تمام لوگ استقبال کی تیاری کرلیں اس کے ساتھ ہی سب
لوگوں کی نظریں آسمان کی جانب لگ گئیں کہ کب اُن کا مطلوبہ طیارہ ائرپورٹ
پر اترتا ہے لیکن قدرت کے کھیل ہی نرالے ہیں ان اپنے پیاروں کے منتظر بے
چاروں کو کیا معلوم تھا کہ کاتبِ تقدیراُن کو کس امتحان میں ڈالنے والا ہے
چنانچہ کچھ ہی دیر بعد انہیں یہ روح فرسا خبر ملی کہ بھوجاائرلائن کی یہ
پرواز اسلام آبادائر پورٹ آنے کی بجائے اسلام آباد کے قریب ایک گاؤں حسین
آباد میں جاگری ہے اس کے بعد ان کے دلوں پہ جو گزری ہوگی اس کا اندازہ نہیں
لگایاجاسکتا ان میں سے کس نے سوچا ہوگا کہ جن کے وہ منتظر ہیں وہ اب اُن کے
پاس کبھی نہیں آئیں گے ،کس کو یہ معلوم تھا کہ جن کے استقبال کیلئے وہ اتنے
بے چین ہوئے جارہے ہیں کچھ ہی دیر بعد اُن کیلئے انہیں تابوت خریدنا پڑیں
گے بہرحال طیارے میں مسافروں اور جہاز کے عملے سمیت کل تعداد 127تھی اور
اتنی بڑی تعداد میں قیمتی انسانی جانوں کا ضیاع ایک بہت بڑا سانحہ ہے قوم
ابھی 7اپریل کو سیاچن میں برفانی تودے تلے دب جانیوالے 139جوانوں کے صدمے
سے ہی نہیں نکل پائی تھی کہ اللہ تعالٰی نے ہمیں ایک اور آزمائش میں
مبتلاکردیااس سے قبل 28جوالائی 2010ءکواسلام آباد ہی کے قریب پاکستان کی
تاریخ کا سب سے بڑا فضائی حادثہ اُس وقت رونما ہواتھا جب ایک نجی ائر لائن
ائر بلیو کا طیارہ مارگلہ کی پہاڑیوں سے جا ٹکرایا یہ عجیب اتفاق ہے کہ
پونے دوسالوں میں اوپر تلے پیش آنیوالے ان بڑے سانحوں میں موسم کا کردار
کلیدی رہا ۔اللہ تعالیٰ اپنے بندوں کو امتحانوں اور آزمائشوں میں مبتلا
کرتا رہتا ہے لیکن اپنے طور پر احتیاطی تدابیر اختیارکرنا بھی اسلامی
تعلیمات کا حصہ ہے چنانچہ اس ضمن میں ان رپورٹس کا منظرِ عام پر آنا کہ
گزشتہ دس برسوں میں سب سے زیادہ حادثات کاسبب بننے والے ان بوئنگ طیاروں کو
متروک الاستعمال اور ''فلائٹ کفن''قرار دیاجاچکا تھا لیکن اس کے
باوجودپاکستان میں اس کی پروازیں جاری تھیں اور یہ بات بھی قابلِ غور ہے کہ
23سال 9ماہ پرانے اس بوڑھے طیارے کا انسٹرومنٹ لینڈنگ سسٹم بھی خراب تھا
اور سول ایوی ایشن نے پائلٹ نوراللہ آفریدی کے لائسنس پر بھی اعتراضات
لگارکھے تھے اور یہ بھی جاننے کی ضرورت ہے کہ ایک عرصہ پہلے ناقص کارکردگی
کی بنا پر گراونڈ کردئے جانیوالے اس طیارے کو اب کلیئرنس کس نے اور کیوں دی
؟ اگرچہ اس حادثے کے بعدحکومت نے کیپٹن (ر)مجاہداالسلام کی سربراہی میں
تحقیقاتی کمیٹی قائم کردی گئی ہے لیکن دیکھنا یہ ہے کہ یہ کمیٹی کس حد تک
آزادانہ طور پر تحقیقات کرکے اس حادثے کے ذمہ داران کا تعین کرکے اس کے ذمہ
داران کو کیفرِ کردار تک پہنچانے میں اپنا کردارادا کرتی ہے یا اس کا انجام
بھی ائربلیو حادثے کی تحقیقات کرنیوالی کمیٹی جیسا ہوتا ہے جس نے ایک سال
کی تحقیق کے بعد ایک مبہم سی رپورٹ جاری کردی تھی۔آخر میں ہم پوری قوم سے
اپیل کرتے ہیں کہ وہ اس حادثے میں جاں بحق ہونیوالے تمام مسافروں کیلئے
مغفرت کی دعاکے ساتھ ساتھ اللہ کی بارگاہ میں جھک جائے کہ سانحات میں گھری
قوم کا واحد سہارا اللہ کریم کی ذات کے سوا کوئی اور نہیں ۔ |