حاجی ابوالبرکات بنیادی طور پر
نثر نگار ہیں-ان کی تین کتابیں “قہقہے ہی قہقہے“ ، ذوق انقلاب اور اذن
انقلاب “ منظر عام پر آچکی ہیں۔ انہوں نے طنز و مزاح کو بھی ذریئہ اظہار
بنایا اور فکاہیہ کالم بھی لکھے۔ مزکورہ میدانوں میں مقام حاصل کرنے کے بعد
وہ شاعری کی طرف متوجہ ہوئے ہیں۔اب دیکھنا یہ ہے کہ شاعری ان پر کب مہربان
ہوتی ہے۔ان کی ایک کتاب پر حکومت سندھ نے ان کو ایوارڈ بھی دیا ہے۔حاجی
ابوالبرکات کی شاعری پر بھر پور اور دیانتدارانہ تبصرہ تو اسی وقت ممکن
ہوگا جب ان کا شعری مجموعہ ہمارے سامنے ہوگا۔فی الوقت ان کے چند اشعار جو
کہ کراچی کے اخبارات میں شائع ہوتے ریے ہیں پیش کئے جا رہے ہیں۔جن سے ان کے
شاعرانہ مستقبل کا بہ خوبی اندازہ لگایا جا سکتا ہے۔ویسے تو انہوں نے فی
البدیہ شاعری ہر موضوع پر کی ہے۔نظم،غزل اور بچوں کی نظمیں بھی لکھی ہیں۔
انہوں نے جس انہماک کے ساتھ نثر پر توجہ دی ہے، اگر وہ مزید اتنی توجہ
شاعری پر بھی دے دیں تو انہیں بھی مملکت شعرو سخن میں ایک پلاٹ حاصل ہو
سکتا ہے۔جس کے لئے انہیں مسلسل جدوجہد کرنا ہوگی۔مگر اس کے آڑے ان کی معاشی
سر گرماں آرہی ہیں۔کیونکہ آپ ایک ادارہ کے ڈائریکٹر بھی ہیں۔
اچھی اور بری شاعری قارئین کے مطالعے اور مشاہدے کے بغیر ناممکن ہے۔امید ہے
کہ حاجی صاحب شاعری کے میدان مین بھی سرخروئی حاصل کریں گے۔
ان کی شاعری آپ تک روزنامہ جنگ لندن اور جنگ کراچی سے مڈ ویک میگزین کے
زریعہ اختر سعیدی انچارج ادبی صفحہ پہنچا رہے ہیں:۔
جن کی توصیف سے خالی نہیں کوئی ذرہ
ان کا میں نام لکھوں اور لکھوں تو کیسے
ہر نفس قعر ندامت میں سبک رنج ہوا
میں شفاعت کا طلب گار بنوں تو کیسے
۔۔۔۔۔۔۔۔۔۔××××××۔۔۔۔۔۔۔۔۔۔۔
ہم نے کس فن سے تراشا تھا یہ شیش محل
لوگ ہاتھوں میں سنبھالے ہوئے پتھر آئے
اپنے اخلاص کی پونجی کو تو ارزاں نہ سمجھ
یہ وہ دولت ہے جسے لے کر پیمنر آئے
۔۔۔۔۔۔۔۔۔۔××××××۔۔۔۔۔۔۔۔۔۔۔۔
وہ پرورش لوح و قلم کرتے رہے ہیں
ہم جذب تکاثر میں بقا ڈھونڈ رہے ہیں
وہ اہل زباں، شاعر و ایثار کے پتلے
ہم شعر و ادب میں رسم غنا ڈھونڈ رہے ہیں
۔۔۔۔۔۔۔۔۔۔××××××۔۔۔۔۔۔۔۔۔۔۔
عدل کے احکام ہوں، یا فوج کے ہتھیار ہوں
سوختہ جاں کو نئی تاریخ کا مژدہ ملے
انقلاب فکر نو ، ممکن نہیں اس عہد میں
اکثریت ہی اگر باطل کی پروردہ ملے
۔۔۔۔۔۔۔۔۔۔۔۔××××××۔۔۔۔۔۔۔۔۔۔۔
جن کی خوشبو سے بھرا رہتا تھا گلشن میرا
ان کی یادوں کو بھی،اس دل سے لگا رکھا ہے
۔۔۔۔۔۔۔۔۔۔۔××××××۔۔۔۔۔۔۔۔۔۔۔
تم سمجھتے ہو کہ منزل کی خبر رکھتے ہو
تم کہ گم گشتہ منزل ہو تمہیں کیا معلوم
۔۔۔۔۔۔۔۔۔۔۔۔۔××××××۔۔۔۔۔۔۔۔۔۔۔۔
ہمارے گھر سے رخصت ہو رہی ہیں
شرافت،عزت و عظمت کی لاشیں
۔۔۔۔۔۔۔۔۔۔۔۔××××××۔۔۔۔۔۔۔۔۔۔۔۔۔
دیکھئے اب میرے حوصلے ،میرا انوکھا انتقام
برہمی جس سے تھی فطرت نے اسکو دلبر کر دیا
لے کے نوک خار سے قطرے لہو کے برکات
زندگی کی مانگ میں سیندور میں نے بھر دیا
۔۔۔۔۔۔۔۔۔۔۔۔۔××××××۔۔۔۔۔۔۔۔۔۔۔۔
قسمت کے لکھے کو تم کیسے متائو گے
کاغذ کے لکھے کو ہاتھوں سے مٹاتے ہو
ذی روح ہو پھر بھی مار ڈالتے ہو نسلوں کو
دودھ پانی میں ملا کر بچوں کو پلاتے ہو
۔۔۔۔۔۔۔۔۔۔۔××××××۔۔۔۔۔۔۔۔۔۔۔۔
پیروں ،فقیروں کی عادی یہ قوم
نگینوں ، ستاروں میں الجھی ہوئی
جہاں میں کھڑا رہنا اس کا محال
ہے راحت طلب اور سوئی ہوئی
۔۔۔۔۔۔۔۔۔۔۔××××××۔۔۔۔۔۔۔۔۔۔۔۔۔۔
۔۔۔۔۔۔۔۔۔۔××××××۔۔۔۔۔۔۔۔۔۔۔۔۔
روزنامہ جنگ لندن مورخہ ١٨ اگست ٢٠١١
روزنامہ جنگ کراچی مورخہ ٢٤ اگست ٢٠١١ |